དཀོན་མཆོག་བསྟན་འཛིན། རབ་བྱུང་བཅུ་དྲུག་པའོ་ས་གླང་ལ་སྟ་༡༩༤༩ལོར་ཉག་རོང་གི་ཆ་དགའ་ཞེས་པའི་ཡུལ་དུ་སྐུ་འཁྲུངས།ཁོང་ལོ་དྲུག་གི་ཐོག་ནས་ས་སྐྱའི་སྤྲུལ་སྐུ་ཞང་པོ་ལུང་རྟོགས་མདུན་ནས་ཡི་གེ་འབྲི་ཀློག་བསླབས།སྨན་གསར་གྱི་བཟོ་རྒྱུན་མཁས་པ་ཉ་ངོས་གནས་བརྟན་མདུན་ནས་བོད་ཀྱི་རི་མོ་ལ་ཅུང་ཟད་སྦྱངས།དར་མདོ་དགེ་འོས་སློབ་གྲྭ་དང་ཀྲུང་དབྱང་མི་རིགས་སློབ་གྲྭ་ཆེན་མོ་རྒྱ་བོད་ཀྱིརི་མོ་དང་ཕྱི་གླིང་གི་མཛེས་རྩལ་སོགས་ལ་སློབ་གཉེར་མཐར་ཕྱིན་པར་མཛད།ཐང་བླ་ཚེ་དབང་སོགས་ཀྱི་མདུན་ནས་ཀྱང་བོད་ཀྱི་ཤེས་བྱ་ལ་སྦྱང་བརྩོན་མི་དམན་པར་མཛད། དཀར་མཛེས་ཁུལ་སྲིད་གྲོས་ཀྱི་ཀྲུའུཞི་གཞོན་པ་དང་ཁུལ་རྩོམ་སྒྱུར་ཅུས་ཀྱི་ཅུས་ཀྲང་སོགས་ཀྱི་འགན་གཅིག་ལྕོགས་སུ་བཞེས་བཞིན་ཡོད།སློབ་དཔོན་ཆེན་པོ། རྒྱལ་སྤྱིའི་མཁས་པའི་གྲས་སུ་ཚུད་ནས་ནུབ་ཕྱོགས་རྒྱལ་ཁབ་ཀྱི་སློབ་གྲྭ་ཆེན་མོ་ཁ་ཤས་ནང་དུ་འཆད་ཁྲིད་བྱེད་མཁན་གདན་འདྲེན་ཞུས།ཁོང་ནི་བྲིས་ཀྱི་རིག་གཞུང་ལ་མཁས་པས་དེའི་སྐོར་གྱི་དཔྱད་རྩོམ་ཡང་ཡོད་། གསུང་རྩོམ་ནི།པོད་ཆེ་ཆུང་བདུན་ཙམ་ཡོད་དོ། །