ཀན་ལྷོའི་བྲིས་པ་ཨ་འཁོར་ཚེ་བྷ་ལགས་ཀྱིས་ཡིག་གཟུགས་དུས་ཆེན་ལ་ཕུལ་བའི་ཡིག་གཟུགས་མཆོད་པ།

ཐེངས་གསུམ་པའི་པད་མ་གསེར་སྨྱུག་རྟགས་མའི་ཡིག་གཟུགས་འགྲན་བསྡུར་སྐབས་རྫོགས་རིམ་ཡིག་མཁན་གྱི་མཚན་སྙན་ཐོབ་པའི་ཀན་ལྷོའི་ཡིག་མཁན་གྲགས་ཅན་ཨ་འཁོར་ཚེ་བྷ།

བོད་ཀྱི་ཡིག་གཟུགས་དུས་ཆེན་ལ་ཕུལ་བའི་ཡིག་གཟུགས་ཀྱི་མཆོད་པ།

        ཨ་འཁོར་ཚེ་བྷ།དངོས་མིང་ལ་ཚེ་དཔག་སྐྱབས་ཟེར། ༡༩༧༢ལོར་མདོ་སྨད་ཀན་ལྷོ་བོད་རིགས་རང་སྐྱོང་ཁུལ་ཅོ་ནེ་རྫོང་ཨ་འཁོར་དགོན་ཆགས་སྡེ་བ་རུ་ལྟེ་ཁྲག་འཕོས།༡༩༨༩ལོར་ཀན་ལྷོ་བོད་རིགས་འབྲིང་རིམ་ཆེད་གཉེར་སློབ་གྲྭར་འགྲིམ་པའི་སྐལ་བ་བཟང་པོ་ཐོབ།   དེ་ནས་ཨ་ཁུ་སྨོན་ལམ་ཚང་གི་དངོས་སློབ་རྒན་རྟ་མགྲིན་ཚེ་རིང་གྱི་བརྩེ་བའི་མཛུབ་སྟོན་བརྒྱུད་ནས་ལོ་ངོ་བཞིའི་རིང་ལ་སྨོན་ལམ་ཡིག་རྒྱུན་སློབ་སྦྱོང་ལ་བགས་ཆགས་ཟབ་མོ་བགོས་པ་དང་།རྒན་རྡོ་བྷ།རྒན་སངས་རྒྱས་བཀྲ་ཤིས།རྒན་པད་དཀར་འབངས་སོགས་ཀྱི་འདུན་ནས་ཡིག་རིགས་གང་མང་སྦྱོང་།ཉེ་བའི་ལོ་འགའི་རིང་།བོད་ཀྱི་ཡིག་གཟུགས་འགྲན་སྡུར་ཁྲོད་བྱ་དགའ་གང་མང་ཐོབ་མྱོང་།༡༩༩༩ལོ་ནས་ད་བར་གྱི་བགྲང་བྱ་ཉི་ཤུ་ལྷག་གི་རིང་ལ་སྲིད་འཛིན་གྱི་བྱ་བ་གཉེར་ཞོར་དུ་དྲུང་ཡིག་ཆེན་མོ༧སྨོན་ལམ་རྒྱ་མཚོ་ཚང་གི་《ཡིག་གཟུགས་བློ་གསལ་སྤྱི་ནོར》དང་རྒན་བསྟན་འཛིན།རྒན་འགྱུར་མེད་ཚུལ་ཁྲིམས།རྒན་ཁ་སྤུ་ཅན་སོགས་ཀྱི་ཀ་དཔེ་གཞིར་བཟུང་ནས་བྲིས་གཟུགས་ཀྱི་ཆུ་ཚད་སྔར་བས་ཇེ་མཐོར་སོང་།ཉེ་བའི་ལོ་འགའི་རིང་ལ།ཡིག་གཟུགས་བརྩམས་ཆོས་སྔ་ཕྱིར་<སྦྲང་ཆར>དང<ཟླ་ཟེར>སོགས་བོད་ཀྱི་དུས་དེབ་དང་ཚགས་པར་སྟེང་དུ་བཀོད་པ་དང་།   ༢༠༡༩ལོར་པེ་ཅིན་དུ་ཚོགས་པའི“ཀན་ལྷོ་བོད་རིགས་རང་་སྐྱོང་ཁུལ་མི་རིགས་ཀྱི་ཚད་ལྡན་ཡིག་ཆ་དང་ཡིག་གཟུགས་བརྩམས་ཆོས་འགྲེམ་སྟོན”སྟེང་དུ་ཁོ་བོའི་བརྩམས་ཆོས་གཉིས་འགྲེམ་སྟོན་ལ་ཞུགས་པ་མ་ཟད།    ད་དུང་རྒྱལ་ཁབ་མི་རིགས་དཔེ་མཛོད་ཁང་དུ་ཉར་ཚགས་བྱས་ཡོད།     

      ད་ལྟ་ཀན་ལྷོ་ཁུལ་བོད་ཀྱི་ཡིག་གཟུགས་མཐུན་ཚོགས་ཀྱི་ཀྲུའུ་ཞི་གཞོན་པ་དང་ཅོ་ནེ་རྫོང་བོད་ཀྱི་ཡིག་གཟུགས་མཐུན་ཚོགས་ཀྱི་ཀྲུའུ་ཞི།ཀན་ལྷོ་ཁུལ་སྲིད་གྲོས་ཡིག་རུས་གླིང་གི་གདན་ཞུའི་ཞིབ་འཇུག་དགེ་རྒན་ཡིན།