ཡིག་གཟུགས་དུས་ཆེན་བསུ་བའི་བརྩམས་ཆོས་འགྲེམ་སྟོན་གསུམ་པ།

༢༠༢༦ལོའི་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་བསུ་བ་དང་སྦྲགས་པའི་མཐར་ཕྱིན་སློབ་མའི་ཡིག་གཟུགས་འགྲེམ་སྟོན།

ལེའུ་དྲུག་པ།

           ངའི་མིང་ལ་གཅོད་པ་འཚོ་ཟེར།   ཕ་ཡུལ་བསང་ཆུ་རྫོང་ཁོ་ཚེ་གི་ཡིན།ད་བར་ཀན་སུའུ་མི་རིགས་དགེ་འོས་སློབ་གླིང་གྱི་ཆ་འཕྲིན་བཟོ་སྐྲུན་སློབ་གླིང་གི་རྩིས་འཁོར་སྐད་གཉིས་རུ་སློབ་གཉེར་བྱེད་ཀྱིན་ཡོད།ང་ལ་མཚོན་ན་དམའ་འབྲིང་ནས་བོད་ཀྱི་ཡིག་གཟུགས་ཀྱི་དགའ་མོས་ཚོ་ཆུང་རུ་ཞུགས་ཏེ་རྒན་མགོན་པོ་ཚེ་རིང་ལགས་ཀྱི་མདུན་ནས་བྲིས་ཀྱི་མགོ་ཐོག་མར་བཙུགས་པ་ཡིན།མཐོ་འབྲིང་སྐབས་སུ་ཡང་མུ་མཐུད་དུ་དགའ་མོས་ཚོ་ཆུང་རུ་ཞུགས།སློབ་ཆེན་ལ་ཐོན་རྗེས་ད་གཟོད་རྒན་བཀའ་དྲིན་ཅན་སངས་རྒྱས་བཀྲ་ཤིས་ལགས་ཀྱི་མཛུབ་ཁྲིད་འོག་ནས་དབུ་ཅན།སུག་རིང།སུག་ཐུང་།འབྲི་ཚ་སོགས་ཡིག་རིགས་བཅོ་ལྔ་ལྷག་སྦྱོང་ཟིན།འདིའི་ཁྲོད་བོད་ཀྱི་མཁས་དབང་རིམ་བྱོན་ཚོས་རིག་པའི་རྩལ་དང་ལག་པའི་སོར་ནས་ཐོན་པས་ཡིག་གཟུགས་ལ་སྔར་ལས་ལྷག་པའི་དུང་བ་དང་འདུ་ཤེས་ཡོད་ཟིན།རྗེས་ཕྱོགས་ཡང་ཡིག་གཟུགས་སྦྱང་བའི་སྐབས་ཀྱི་ངང་རྒྱུད་དང་བརྩོན་པ་དུ་སེམས་ལ་བཟུང་ནས་བྱ་བ་གང་ལའང་འབད་ཐག་ཐག་ཡིན།

ལེའུ་བདུན་པ།

      སྒྲོལ་དཀར་སྐྱིད།ཕ་ཡུལ་རྨ་ཆུའི་ཉིན་མ།དགེ་རྒན་བཀའ་དྲིན་ཅན་སངས་རྒྱས་བཀྲ་ཤིས་ཀྱིས་ལོ་ངོ་བཞིའི་རིང་གི་ཐུགས་ཁུར་དང་མཛུབ་སྟོན་འོག་ཐེངས་འདིའི་ཡིག་གཟུགས་འགྲེམས་སྟོན་ལེགས་འགྲུབ་བྱུང་།ད་དུང་མུ་མཐུད་ཡིག་གཟུགས་ཀྱི་ཕྱོགས་ལ་འབད་བརྩོན་བྱེད་རྒྱུ་ཡིན།

ལེའུ་བརྒྱད་པ།

      ཆོས་དབྱིངས་ནོར་བུ་།   བོད་ལྗོངས་ནག་ཆུ་ཨ་མདོ་རྫོང་དམར་རོང་ཤང་གི་འབྲོག་ཁྱིམ་དཀྱུས་མ་ཞིག་ཏུ་སྐྱེས། ༢༠༠༩ལོ་ནས་སློབ་ཆུང་འགྲིམས་ཤིང་། ཆུང་དུས་ནས་བོད་ཀྱི་ཡིག་གཟུགས་སྦྱོང་བ་ལ་དགའ་ཞིང་དགེ་རྒན་རྒྱན་དགའ་ཡིས་མཛུབ་སྟོན་འོག་ཏུ་གཞུང་བྲིས་ཡིག་གཟུགས་ཚང་མ་སྦྱང་བརྩོན་བྱས་།༢༠༢༢ལོར་ཀན་སུའུ་མི་རིགས་དགེ་འོས་སློབ་གྲྭ་ཆེན་མོར་རྒྱུགས་འཕྲོད་ཅིང་། དགེ་བའི་བཤེས་གཉེན་སངས་རྒྱས་བཀྲ་ཤིས་ཀྱིས་འཛུབ་སྟོན་འོག་ཏུ་སྨོན་ལམ་ཡིག་གཟུགས་གཙོ་བྱས་ཨ་ཁུ་དཀོན་མཆོག་རྒྱ་མཚོ་ཚང་གི་ཡིག་གཟུགས། ལཉྫ་དང་ཝརྟུ་སོགས་བོད་ཀྱི་ཡིག་གཟུགས་དུ་མར་སྦྱངས་པ་བྱས། ད་དུང་མུ་མཐུད་ཡིག་གཟུགས་སྒྱུ་རྩལ་འདི་ལག་ལེན་གྱི་ཐད་ལ་འབད་བརྩོན་བྱེད་རྒྱུ་ཡིན།

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ། བཀྲ་ཤིས་དོན་གྲུབ།

སྒྲིག་སྦྱོར་བ།རྟ་མགྲིན་འཚོ།