ཡིག་གཟུགས་དུས་ཆེན་བསུ་བའི་བརྩམས་ཆོས་འགྲེམ་སྟོན་གཉིས་པ།

༢༠༢༦ལོའི་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་བསུ་བ་དང་སྦྲགས་པའི་མཐར་ཕྱིན་སློབ་མའི་ཡིག་གཟུགས་འགྲེམ་སྟོན།

ལེའུ་གསུམ་པ།

          རིན་ཆེན་ཆོས་སྒྲོན།ཕ་ཡུལ་བོད་ལྗོངས་ཆབ་མདོ།མཐོ་འབྲིང་སྐབས་སུ་བོད་ཡིག་ཡིག་གཟུགས་ལ་རྒྱུས་མངའ་ཅུང་ཙམ་ཡོད་ཀྱང་དངོས་སུ་སྦྱོང་མ་ཐུབ་པས།སློབ་ཆེན་ལོ་རིམ་དང་པོའི་སྐབས་སུ་རང་སློབ་གྲྭ་ལ་བོད་ཡིག་ཡིག་གཟུགས་ཚོགས་ཡོད་པ་ཤེས་ལ། དགའ་ཕྱོགས་ཀྱི་དབང་གིས་དེར་ཞུགས་པ་དང་། དགེ་རྒན་སངས་རྒྱས་བཀྲ་ཤིས་ཀྱིས་སྣེ་ཁྲིད་བརྒྱུད་ང་རང་སྔར་བས་བོད་ཡིག་ཡིག་གཟུགས་ལ་དགའ་བ་ཞིག་བྱུང་།དེ་ནས་བཟུང་ང་རང་དགེ་རྒན་གྱི་དྲུང་དུ་སོང་ནས་བོད་ཡིག་ཡིག་གཟུགས་ལ་རང་གི་ནུས་ཚོད་ཀྱིས་སློབ་སྦྱོང་བྱས་པ་ཡིན།རང་ཉིད་ཀྱི་སློབ་གསེང་དུས་ཚོད་བེད་སྤྱད་ནས་དགེ་རྒན་གྱི་མཛུབ་སྟོན་འོག་རང་ཉིད་ཀྱིས་ཀྱང་ཡིག་རིགས་མི་ཉུང་བ་ཞིག་འབྲི་ཤེས་སོང་།དེ་བས་ཐེངས་འདིར་རྒྱལ་ཡོངས་བོད་ཡིག་ཡིག་གཟུགས་ཉིན་མོ་དང་བསྟུན། རང་རླིབ་གླིང་གི་༢༠༢༦ལོའི་སློབ་ཐོན་སློབ་མའི་བོད་ཡིག་ཡིག་གཟུགས་བརྩམས་ཆོས་འགྲེམ་སྟོན་བྱེད་སྒོར་ཞུགས་ཐུབ་པ་བྱུང་། མ་འོངས་པར་ཡང་མུ་མཐུད་ནས་ཡིག་གཟུགས་རིག་གནས་ཐད་ལ་ཡང་འབད་བརྩོན་བྱ་རྒྱུ་ཡིན།

ལེའུ་བཞི་བ།

      ཚེ་ཐར་སྐྱིད། ཕ་ཡུལ། བསང་ཆུ་རྫོང་བསང་ཁོག   སློབ་གླིང་། བོད་རིག་པའི་སློབ་གླིང།

      རྒན་སངས་རྒྱས་བཀྲ་ཤིས་ཀྱི་བཀའ་དྲིན་དང་དགའ་ཕྱོགས་གཅིག་པའི་གྲོགས་པོ་ཚོ་དང་ལྷན། དེར་མ་ཟད་རང་ཉིད་ཀྱི་འབད་བརྩོན་ལ་བརྟེན་ནས་ཐེངས་འདིའི་ཡིག་གཟུགས་འགྲེམས་སྟོན་ལེགས་འགྲུབ་བྱུང་། འདིས་ཀྱང་སློབ་ཆེན་གྱི་འཚོ་བ་ལ་མཚར་སྡུག་ཅིག་བསྐྲུན་སོང་། རྗེས་ཕྱོགས་མུ་མཐུད་དུ་ཡིག་གཟུགས་ལ་དགའ་མོས་ཡོད་པའི་གྲོགས་པོ་དང་མཉམ་དུ་འབད་པ་བྱེད་རྒྱུ་ཡིན།

ལེའུ་ལྔ་བ།

     སྲི་ཆོད་སྒྲོལ་མ་ཕ་ཡུལ་བོད་ལྗོགས་ནག་ཆུ།ཆུང་དུས་ནས་བོད་ཀྱི་རིག་གནས་ལ་དགའ་བ་དང་དུངས་བ་ཆེན་པོ་ཡོད་པས།སློབ་ཆེན་འགྲིམས་པའི་སྐབས་སུ་དགེ་བའི་བཤེས་གཉེན་སངས་རྒྱས་བཀྲ་ཤིས་ལགས་ཀྱིས་བཀའ་སློབ་འོག་བོད་ཡིག་ཡིག་གཟུགས་སྦྱངས་པ་ཡིན།     མ་འོངས་པས་ལོ་ཟླའི་ནང་མུ་མཐུད་ནས་བོད་ཡིག་ཡིག་གཟུགས་ལ་སྦྱངས་པ་བྱེད་རྒྱུས་སེམས་ཤུགས་ཆེན་པོ་ཡོད།

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ། བཀྲ་ཤིས་དོན་གྲུབ།

སྒྲིག་སྦྱོར་བ།རྟ་མགྲིན་འཚོ།