འབྲི་རུ་རྫོང་ཤག་ཆུ་གྲོང་རྡལ་ཤག་ཆུ་ཁ་སྡེ་ཁུལ་ཡུལ་མི་ཨུ་ཡོན་ལྷན་ཁང་གིས་“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བའི་མི་རིགས་ཁག་གི་ཡིག་གཟུགས་དང་རི་མོའི་འགྲན་བསྡུར་ཆེན་མོ་”སྐབས་དྲུག་པའི་བྱེད་སྒོ་སྤེལ་བ།

       སྤྱི་ལོ་༢༠༢༦ལོའི་ཟླ་བ་༢ཚེས་༡༣ཉིན་འབྲི་རུ་རྫོང་ཤག་ཆུ་ཁ་སྡེ་ཁུལ་དུ་ལྗོངས་ཡོངས་ཀྱི་རྒྱ་བོད་ཡིག་གཟུགས་དང་རི་མོའི་འགྲན་བསྡུར་དང་འགྲེམས་སྟོན་སྐབས་དྲུག་པ་སྤེལ་བ་མ་ཟད། བོད་རང་སྐྱོང་ལྗོངས་ཡིག་གཟུགས་མཁས་པའི་མཐུན་ཚོགས་ནས་ཡིག་གཟུགས་སློབ་གསོའི་དཔེ་སྟོན་རྟེན་གཞིའི་སྒོ་བྱང་དངོས་སུ་འབྲི་རུ་རྫོང་ཤག་ཆུ་གྲོང་རྡལ་ཤག་ཆུ་ཁ་སྡེ་ཁུལ་དུ་འགེལ་གནང་བ་རེད།

       མཛད་སྒོའི་ཐོག་ཀྲུང་གོའི་ཡིག་གཟུགས་མཁས་པའི་མཐུན་ཚོགས་ཀྱི་ལས་འཛིན། བོད་རང་སྐྱོང་ལྗོངས་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཨུ་ཡོན། བོད་ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཀྲུའུ་ཞི་གཞོན་པ་དང་དྲུང་སྤྱི་ཆེ་མོ་གཞོན་པ་དང་རྒྱལ་ཁབ་སྒྱུ་རྩལ་ཐེབས་རྩའི་བོད་ལྗོངས་རིགས་གཅིག་མཁས་དབང་།   ལྷ་ས་གྲོང་ཁྱེར་གྱི་མངོན་མིན་རིག་གནས་ཤུལ་བཞག་རིགས་གཅིག་མཁས་དབང་ཆེན་མོ་རྒྱལ་མཚན་ལགས་དང་བསྟན་འཛིན་ལགས་རྣམ་གཉིས་དང་ནག་ཆུ་གྲོང་ཁྱེར་བཟོ་རིག་མཛེས་རྩལ་མཐུན་ཚོགས་ཀྱི་ཚོགས་གཙོ་སྐལ་བཟང་ལགས་དང།ཤག་ཆུ་གྲོང་བརྡལ་ཏང་ཨུ་ཀྲུའུ་ཞི་ཚེ་རིང་འགྱུར་མེད་དང།

     འབྲི་རུ་རྫོང་ཤག་ཆུ་གྲོང་རྡལ་ཤག་ཆུ་ཁ་སྡེ་ཁུལ་ཡུལ་མི་ཨུ་ཡོན་ལྷན་ཁང་གིས་ཧྲུའུ་ཅི་འ་སྤུ་དང་ཟླ་བ་རྡོ་རྗེ་སོགས་བཅའ་སྡོད་ལས་དོན་དཔུང་ཁག་རྣམས་དང་། ལྗོངས་ཡིག་གཟུགས་མཐུན་ཚོགས་ཀྱི་ཚོགས་མི་གཅུང་བསླབ་གསུམ་ལགས་དང་། རྒན་ཀརྨ་ལྷུན་གྲུབ་སོགས་མཛད་སྒོར་ཞུགས།

          ཐེངས་འདིའི་འགྲན་བསྡུར་ལ་རྒྱ་བོད་མི་རིགས་དང་། ཁ་ཆེ་མི་རིགས་སོགས་མི་རིགས་གསུམ་གྱི་ཡིག་མཁན་འདུས་ཡོད་ལ།འགྲན་ཞུགས་ཡིག་གཟུགས་བརྩམས་ཆོས་དང་རི་མོའི་བརྩམས་ཆོས་སྡོམ་པས་༡༨༥༧ལྷག་འབྱོར་ཡོད།དཔྱད་འདེམས་དགེ་རྒན་ཚོས་གཟབ་ནན་དཔྱད་བསྡུར་བྱས་པ་བརྒྱུད་འགྲན་ཞུགས་པ་མི་༢༡༠ལ་གཟེངས་བསྟོད་བྱ་དགའ་སྤྲད་པ་དང་། སྔ་རྗེས་སུ་གཟིགས་མོར་སྐུ་མགྲོན་༢༣༥༣ལྷག་མཉམ་ཞུགས་བྱས།

རྒན་རྒྱལ་མཚན་ལགས་ནས་ནག་ཆུ་གྲོང་ཁྱེར་འབྲི་རུ་རྫོང་ཤག་ཆུ་ཁ་སྡེ་ཁུལ་དུ་རྒྱལ་ཁབ་ཀྱི་སྤྱི་སྤྱོད་སྐད་ཡིག་ཡིག་གཟུགས་ཀྱི་འཆད་ཁྲིད་གནང་བཞིན་པ།

འཆད་ཁྲིད་ཡུལ་དངོས།

བྱ་དགའ་ཐོབ་པའི་ཡིག་རིས་བརྩམས་ཆོས་རྣམས་དང་སློབ་མ་རྣམས་ཀྱིས་བྲིས་པའི་ས་སྐྱ་ལེགས་བཤད་ཀྱི་ཡིག་ཐང་སྤུས་ལེགས་སྨིད་༥༠༠ལྷག་འགྲེམས་སྟོན་དང་དཔྱད་བརྗོད་གནང་བ།

བརྩམས་ཆོས་འགྲེམ་སྟོནལ་རོལ་མྱོང་བྱེད་པའི་ཡུལ་དངོས་ཟུར་བཀོད།

        འགོ་ཚུགས་མཛད་སྒོའི་ཐོག་ཀྲུང་གོ་ཡིག་གཟུགས་མཁས་པའི་མཐུན་ཚོགས་ཀྱི་ལས་འཛིན་བོད་རང་སྐྱོང་ལྗོངས་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཨུ་ཡོན། བོད་ཡིག་གཟུགས་མཁས་པའི་མཐུན་ཚོགས་ཀྱི་ཀྲུའུ་ཞི་གཞོན་པ་དང་དྲུང་སྤྱི་ཆེ་མོ་གཞོན་པ་རྒན་རྒྱལ་མཚན་ལགས་ཀྱིས་རྒྱལ་ཁབ་ཀྱི་སྤྱི་སྤྱོད་སྐད་ཡིག་སྐོར་དང་ཡིག་གཟུགས་ཀྱི་རིག་པའི་གཞུང་ལུགས་དང་བྱུང་འཕེལ་སྐོར་དང་ལྗོངས་ཡིག་གཟུགས་མཐུན་ཚོགས་ནས་ཡིག་གཟུགས་སློབ་གསོའི་དཔེ་སྟོན་རྟེན་གཞི་འཛུགས་པའི་ཆ་རྐྱེན་དང་དམིགས་ཡུལ་ཕན་ནུས་སྐོར་གྱི་བཀའ་སློབ་གནང་བཞིན་པ།

ལྗོངས་རིམ་པའི་མཁས་དབང་ཆེན་མོ་རྒན་བསྟན་འཛིན་ལགས་ཀྱིས་ཡིག་གཟུགས་ལག་ལེན་དངོས་ཀྱི་ཐོག་ཇི་ལྟར་དགོས་མིན་སྐོར་གྱི་བཀའ་སློབ་གནང་བཞིན་པ།

ཤག་ཆུ་གྲོང་བརྡར་ཏང་ཨུ་ཀྲུའུ་ཞི་ཚེ་རིང་འགྱུར་མེད་ལགས་ཀྱིས་ཡིག་རིས་སྒྱུ་རྩལ་ནི་ཀྲུང་ཧྭའི་རིག་གནས་ཀྱི་ནོར་བུ་ཞིག་ཡིན་པའི་ངོས་ནས་ཀྲུང་ཧྭ་མི་རིགས་ཀྱི་བློ་གྲོས་དང་། བྱམས་བརྩེ།རིན་ཐང་ལྟ་བ་བཅས་ཐེག་ཡོད་པས་ང་ཚོའི་མི་རིགས་སྙིང་སྟོབས་ཀྱི་མཚོན་རྟགས་གལ་ཆེན་ཞིག་ཡིན་ཞེས་པའི་གསུང་བཤད་གནང།

རྒན་གཅུང་བསླབ་གསུམ་མམ་རིག་པའི་རལ་གྲི་ལགས་ཀྱིས་ཐེངས་འདིའི་བརྩམས་ཆོས་དཔྱད་འདེམས་བྱེད་ཕྱོགས་ཐད་རིག་པའི་གཞུང་ལུགས་དང་བསྟུན་ཡོད་པའི་སྐོར་གྱི་གཏམ་བཤད་སྤེལ་བཞིན་པ།

བྱ་དགའ་ཐོབ་པའི་སློབ་མ་དང་དགེ་རྒན་ཁྱིམ་བདག་སོགས་ལ་གཟེངས་བསྟོད་སྤྲོད་བཞིན་པ།

ལྗོངས་ཡོངས་དང་གྲོང་ཁྱེར་སྤུན་ཟླའི་རྫོང་ཁག་གཞན་ནས་ཕེབས་པའི་ཡིག་མཁན་དང་ཁྱིམ་བདག་སློབ་མ་སོགས་བྱ་དགའ་ཐོབ་མཁན་བྲིས་པ་༢༡༠རྣམས་དྲན་རྟེན་འདྲ་པར་སྐྱོང་གནང་བ།

འབྲི་རུ་རྫོང་ཤག་ཆུ་གྲོང་རྡལ་ཤག་ཆུ་ཁ་སྡེ་ཁུལ་ཡུལ་མི་ཨུ་ཡོན་ལྷན་ཁང་གིས་ཧྲུའུ་ཅི་འ་སྤུ་ཐེངས་འདིའི་མཛད་སྒོའི་མཇུག་བསྡོམས་ཀྱི་གསུངས་བཤད་གནང་བཞིན་པ།

མཐར་བོད་ལྗོངས་ཡིག་གཟུགས་མཁས་པའི་མཐུན་ཚོགས་ཀྱིས་བཀྲ་ཤིས་ལོ་གསར་བསུ་བའི་ཤིས་ཚིག་གྲངས་མེད་ཀྱིས་མང་ཚོགས་ཀྱི་འདོད་བློ་ཚིམ་པར་གནང་ནས་བཀྲ་ཤིས་བདེ་ལེགས་ངང་མཇུག་ལེགས་པར་གྲུབ་བོ།།

བྱ་དགའ་ཐོབ་པའི་བརྩམས་ཆོས་ཆེད་བཀོད།

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ། བཀྲ་ཤིས་དོན་གྲུབ།

སྒྲིག་སྦྱོར་བ།རྟ་མགྲིན་འཚོ།