སྣོད་བཅུད་སྲུང་སྐྱོབ་དང་སྣག་སྨྱུག་རྒྱུད་འཛིན་ཞེས་པའི་བརྩམས་ཆོས་བཤམས་སྟོན།

རྨ་ཆུ་དང་འབྲུ་ཆུའི་ཆུ་ལག་གལ་ཆེན་དུ་གྱུར་བའི་ཀླུ་ཆབ་སྔོན་མོ་དང་འབྲུག་དཀར་གཙང་བོ་གཉིས་ཀྱི་མདུན་སྐྱོད་རླབས་ཕྲེང་གར་དུ་རྩེན་དུས། ང་ཚོས་ཀླུ་ཆུའི་ངོ་མཚར་གྱི་གཏམ་རྒྱུད་ཐ་དག་སྣོད་བཅུད་སྲུང་སྐྱོབ་དང་སྣག་སྨྱུག་རྒྱུན་འཛིན་ཞེས་པའི་བརྗོད་དོན་ཡིག་གཟུགས་འགྲན་སྡུར་དེ་འགྲེམ་སྟོན་ཚུལ་དུ་དྲ་ལམ་ནས་རྣམ་པ་ཚོའི་སྤྱན་ལམ་དུ་འབུལ་ཐུབ་པ་བྱུང་།

འདི་ནི་གཙོ་འཛིན་ཞི་ཅིན་ཕིང་གི་རིག་གནས་ཀྱི་དགོངས་པ་རྒྱུན་འཁྱོངས་དང་། ཀྲུང་ཧྭ་རིག་གནས་རྒྱུད་འཛིན་དར་སྤེལ་གྱི་རླབས་རྒྱུན་དང་འགྲོགས་ཏེ་སྲིད་གྲོས་ཀླུ་ཆུ་རྫོང་ཨུ་ཡོན་ལྷན་ཁང་དང་། རྫོང་ཨུའི་དྲིལ་བསྒྲགས་པུའུ་ཡིས་གཙོ་སྒྲུབ་མཛད་པའི་མཐུན་རྐྱེན་འོག    ཀླུ་ཆུ་རྫོང་མཛེས་རྩལ་དང་ཡིག་གཟུགས་མཐུན་ཚོགས་ཀྱིས་འགན་སྒྲུབ་བྱས་ཤིང་། རྫོང་རིག་གནས་ཁང་སོགས་འབྲེལ་ཡོད་ལས་ཁུངས་དུ་མའི་རོགས་སྒྲུབ་ལས་བྱུང་བ་མ་ཟད། རྒྱ་ཆེའི་སྲིད་གྲོས་ཨུ་ཡོན་དང་། རྫོང་ཡོངས་ཀྱི་ཡིག་གཟུགས་དགའ་ཞེན་པ། སློབ་གྲྭ་ཁག་གི་དགེ་སློབ་རྣམས་ཀྱི་རྒྱབ་སྐྱོར། སྒོས་སུ་ཁུལ་ཡོངས་ཀྱི་ཡིག་མཁན་དང་པར་རིས་ཆེད་མཁས་པ། སི་ཁྲོན་ཞིང་ཆེན་ཁྲིན་རྡུ་གྲོང་ཁྱེར་ཡིག་གཟུགས་དང་པར་རིས་སྒྱུ་རྩལ་གླིང་གི་སྒྱུ་རྩལ་པ་དག་དང་མཉམ་འབྲེལ་རོགས་རེས། ཐུན་མོང་འབད་བརྩོན་བཅས་ལས་གྲུབ་པའི་རྨད་བྱུང་སྒྱུ་རྩལ་གྱི་གསོལ་སྟོན་ཞིག་ཀྱང་ཡིན་ནོ།།

རྒྱ་བོད་ཡིག་གཟུགས་དང་པར་རིས། དྲས་རིས་སོགས་ནང་དོན་ཕུན་སུམ་ཚོགས་ལ་སྒྱུ་རྩལ་གྱི་རྣམ་པས་ཕྱུག་པའི་བརྩམས་ཆོས་དག་གིས་ལོ་ངོ་གཅིག་གི་ཀླུ་ཆུའི་འཕེལ་རྒྱས་ཀྱི་གནས་ཚུལ་ཡིག་གཟུགས་དང་རི་མོའི་ལམ་ནས་མཚོན་ཡོད་པ་མ་ཟད། རེ་བ་དང་ཡིད་ཆེས་ཀྱིས་ཁེངས་པའི་ཀླུ་ཆུའི་མི་དམངས་མདུན་ནས་མདུན་དུ་སྐྱོད་པའི་གོམ་སྟབས་དེ་ཡང་མཚོན་ཡོད་པས་གཟིགས་མོ་བ་ལྷན་རྒྱས་ནས་དལ་གྱིས་རོལ་མྱོང་གནང་རོགས་ཞུ།

དང་པོ། གདན་ཞུའི་ཡིག་མཁན་གྱི་བརྩམས་ཆོས།

གཉིས་པ། སློབ་ཆུང་སློབ་མའི་འགྲན་ཞུགས་བརྩམས་ཆོས།

གསུམ་པ། སློབ་འབྲིང་སློབ་མའི་འགྲན་ཞུགས་བརྩམས་ཆོས།

བཞི། མཐོ་འབྲིང་སློབ་མའི་འགྲན་ཞུགས་བརྩམས་ཆོས།

ལྔ་བ།   དར་མའི་འགྲན་ཞུགས་བརྩམས་ཆོས།

当黄河奔腾与长江蜿蜒在碌曲绘就生态与文明交响，“生态守护・笔墨传承 — 碌曲县长江、黄河流域生态保护与高质量发展主题书法展” 启幕。展览由政协碌曲县委员会、县委宣传部主办，碌曲县美术书法家协会承办，县文联、县文化馆协办，既是书画展，更是碌曲以文化传生态保护决心、显高质量发展愿景的实践。

活动以“艺术呈生态之美、笔墨传黄河文化” 为目标，获全县政协委员、书法爱好者、师生热烈响应。征稿结束共收到作品120幅，入展 114幅，其中成人组藏文书法39 幅、汉文书法 14 幅，学生组藏文书法 28 幅、汉文书法 14 幅，美术作品13、剪纸作品6幅。作品紧扣主题，藏汉书法交相辉映，是碌曲儿女护绿水青山、传文化根脉的写照。

原甘南州文联党组书记、主席王永久先生特创碌曲风景油画，画布上山川、河流、林草鲜活，展碌曲自然之美，与书法生态主题呼应，为展览增色。

展览于2025 年 9 月 28 日至 12 月 10 日，在碌曲县文化馆四楼书法展览馆（政协文化界委员工作室）举办，设三大展区，期间开展讲座、书法交流活动。展览评出入展作品 95 件、优秀作品13件，入展者获证书，优秀者获奖品，激励更多人参与生态保护与文化传承。

政协委员带头参与，县美术书法家协会严把质量，各方聚力让展览成生态理念传播与文化自信彰显的载体。愿观者从作品中读懂碌曲的坚守与热爱，共助长江黄河永续发展、中华传统文化传承！

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ། བཀྲ་ཤིས་དོན་གྲུབ།

སྒྲིག་སྦྱོར་བ།རྟ་མགྲིན་འཚོ།