འབྲི་རུའི་རྒྱལ་སྟོན་དུས་ཆེན་གྱི་ཡིག་གཟུགས་བྱེད་སྒོ།

   སྤྱི་ལོ་2025ལོའི་ཟླ་བ་9ཚེས་30ཉིན་བོད་ལྗོངས་ནག་ཆུ་གྲོང་ཁྱེར་འབྲི་རུ་རྫོང་དུ་རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱབ་གདལ་བཏང་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བའི་རྫོང་ཡོངས་ཀྱིས་སྐབས་གཉིས་པའི་སེ་འབྲུ་བུམ་པའི་རྒྱ་བོད་ཡིག་གཟུགས་འགྲན་བསྡུར་དང་འགྲེམས་སྟོན།

འབྲི་རུ་རྫོང་སློབ་ཆུང་གཉིས་པའི་ཧྲུའུ་ཅི་བསམ་གྲུབ་རྡོ་རྗེས་འགོ་འཛུགས་མཛད་སྒོའི་གསུངས་བཤད་གནང་བཞིན་པ།

   ཐེངས་འདིའི་བྱེད་སྒོ་འདི་ཉིད་འབྲི་རུ་རྫོང་དྲིལ་བསྒྲག་པུའུ་དང་། འབྲི་རུ་རྫོང་སློབ་གསོ་ཅུད། འབྲི་རུ་རྫོང་བརྙན་འཕྲིན་ལས་ཁུང་སོགས་ཀྱིས་གཞོག་འདེགས་དང་འཛུབ་སྟོན་འོག་༼   བོད་ལྗོངས་རིག་པའི་རལ་གྲིའི་་རིག་གནས་ཚད་ཡོད་སྤྱི་གཉེར་ཁང་   ༽གིས་གཙོ་སྒྲུབ་བྱས་པ་དང་།   འབྲི་རུ་རྫོང་སློབ་ཆུང་གཉིས་པའི་ཧྲུའུ་ཅི་བསམ་གྲུབ་རྡོ་རྗེ་དང་། འབྲི་རུ་རྫོང་རིག་གནས་ཡུལ་སྐོར་ཅུད་ཀྱི་ཨུ་ཡོན་དང་རང་སྐྱོང་ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི་ནག་ཆུ་གྲོང་ཁྱེར་རིག་རྩལ་མཐུན་ཚོགས་ཀྱི་རྒྱུན་ཨུད་ཨུ་ཡོན་ཚེ་རིང་རྣམ་རྒྱལ་ལགས། ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མིའམ་ལྷ་ས་གྲོང་ཁྱེར་ཡིག་གཟུགས་མཁས་པ་ཐུན་ཚོགས་ཀྱི་ཚོགས་མི། ཤག་ཆུ་བུ་བཅོལ་ཁང་གི་རྒན་ཀརྨ་ལྷུན་གྲུབ་ལགས།   ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི་བན་སྒར་སློབ་ཆུང་གི་རྒན་བསོད་ནམས་སྟོབས་རྒྱལ་ལགས།   འབྲི་རུ་རྫོང་སློབ་ཆུང་གཉིས་པའི་རྒན་བསོད་ནམས་དོན་ལྡན་ལགས། ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི་འབྲི་རུ་རྫོང་སློབ་ཆུང་དང་པོའི་རྒན་གཅུང་བསླབ་གསུམ་བཅས་བྱེད་སྒོར་ཞུགས་ཡོད། འགྲན་ཞུགས་བརྩམས་ཆོས་༡༩༠ལས་བརྒལ་བ་དང་གཟིགས་མོ་བ་ཉིས་བརྒྱ་ལྷག་བྱེད་སྒོར་ཞུགས་ཡོད།

འབྲི་རུ་རྫོང་དྲིལ་བསྒྲག་པུའི་མཚོ་མོ་དང་།འབྲི་རུ་རྫོང་རིག་གནས་ཡུལ་སྐོར་ཅུད་ཀྱི་ཚེ་རིང་རྣམ་རྒྱལ་ལགས།ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི་རྒན་ཀརྨ་ལྷུན་གྲུབ་ལགས་དང་རྒན་བསོད་ནམས་སྟོབས་རྒྱལ་ལགས་བཅས་ཀྱིས་ཡིག་གཟུགས་བརྩམས་ཆོས་ལ་དཔྱད་འདེམས་མཛད་བཞིན་པ།

འབྲི་རུ་རྫོང་རིག་གནས་ཡུལ་སྐོར་ཅུད་ཀྱི་ཨུ་ཡོན་དང་།རང་སྐྱོང་ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི་ཚེ་རིང་རྣམ་རྒྱལ་ལགས་ཀྱིས་ད་ཐེངས་ཀྱི་དཔྱད་འདེམས་བྱེད་ཕྱོགས་དང་མ་འོངས་པར་བརྩམས་ཆོས་འབྲི་སྐབས་བླང་དོར་ཇི་ལྟར་བྱ་དགོན་མིན་སྐོར་གྱི་བཀའ་སློབ་གནང་བཞིན་པ།

བོད་ལྗོངས་རིག་པའི་རལ་གྲིའི་རིག་གནས་ཚད་ཡོད་སྤྱི་གཉེར་ཁང་གི་འགན་འཛིན་པ་བོད་རང་སྐྱོང་ལྗོངས་ཡིག་གཟུགས་མཁས་པ་ཐུན་ཚོགས་ཀྱི་ཚོགས་མི་དང་ །ལྷ་ས་གྲོང་ཁྱེར་ཡིག་གཟུགས་མཁས་པ་ཐུན་ཚོགས་ཀྱི་ཚོགས་མི། རྫོང་ཡོངས་ཀྱི་ཡིག་གཟུགས་སློབ་སྟོན་པ།གཅུང་བསླབ་གསུམ་ལགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་ལྟར་ཀྲུང་ཧྭ་ཡིག་གཟུགས་རིག་གནས་དར་སྤེལ་གཏོང་རྒྱུ་མཐའ་འཁྱོལ་བྱེད་པ་མ་ཟད། ཡིག་གཟུགས་སྦྱོང་བའི་དགེ་མཚན་སྐོར་གྱི་གཏམ་བཤད་སྤེལ་བཞིན་པ།

བྱ་དགའ་རིམ་པ་དང་པོ་ཐོབ་མཁན་གྱི་རྒྱ་བོད་མི་རིགས་གཉིས་ཀྱི་ཡིག་མཁན་མཉམ་པར།

བྱ་དགའ་རིམ་པ་གཉིས་པ་ཐོབ་མཁན་གྱི་རྒྱ་བོད་མི་རིགས་གཉིས་ཀྱི་ཡིག་མཁན་མཉམ་པར།

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ། བཀྲ་ཤིས་དོན་གྲུབ།

སྒྲིག་སྦྱོར་བ།རྟ་མགྲིན་འཚོ།