མཚོ་བོད་མཐོ་སྒང་ནས་བཞད་པའི་ཡིག་གཟུགས་ལྡུམ་རའི་མེ་ཏོག

         ༢༠༢༥ལོའི་ཟླ༨ཚེས་༡༠ཉིན་བོད་རང་སྐྱོང་ལྗོངས་དབུ་བརྙེས་ནས་ལོ་ངོ་དྲུག་ཅུ་འཁོར་བར་སྤྲོ་སེམས་འཁོལ་བའི་ངང་ནས་བསུ་བ་ཞུ་ཆེད།   ཨ་མདོ་རྫོང་རྩྭ་རིང་གྲོང་རྡལ་བླ་མཚོ་གྲོང་ཚོའི་དབྱར་སྐྱིད་རྟ་རྒྱུག་སྐབས།     ཨ་མདོ་ཤོག་ཆུང་དགོན་གསང་འདུས་བྲག་དཀར་བཀྲ་ཤིས་དགེ་འཕེལ་གླིང་གི་གྲྭ་པ་བློ་བཟང་རྣམ་དག་གིས་སྦྱིན་བདག་གནང་ཏེ་ཀྲུང་ཧྭའི་སྲོལ་རྒྱུན་རིག་གནས་ཀྱི་གཅེས་ནོར་དུ་གྱུར་བའི་བོད་ཡིག་ཡིག་གཟུགས་འདི་ཉིད་མི་ཉམས་གོང་སྤེལ་དང་ཉམས་པ་སོར་ཆུད་ཡོང་ཕྱིར།   མི་རིགས་མཐུན་སྒྲིལ་ཡར་ཐོན་གྱི་སྐབས་གསུམ་པའི་ཡིག་གཟུགས་འགྲན་བསྡུར་སྤེལ་བ་དང་།   རྫོང་ཨུད་ཐབས་ཕྱོགས་གཅིག་གྱུར་པུའུ་དང་།   དགོན་པའི་དོ་དམ་ཨུ་ལྷན།   དེ་བཞིན་བླ་མཚོ་གྲོང་ཚོ་ཨུ་ཡོན་ལྷན་ཁང་བཅས་ཀྱིས་ཚད་མཐོའི་གདེང་འཇོག་དང་རྒྱབ་སྐྱོར་གནང་སྟེ་མཚོ་བོད་མཐོ་སྒང་ནས་བཞད་པའི་ཡིག་གཟུགས་ལྡུམ་རའི་མེ་ཏོག་ཅེས་པའི་བྱེད་སྒོ་སྤེལ།   འགྲན་བསྡུར་ནང་དགོན་སྡེའི་གྲྭ་བཙུན་དང་།   སློབ་གྲྭ་འབྲིང་ཆུང་གི་སློབ་མ།   སློབ་ཆེན་སློབ་མ།   འབྲོག་པ་ཕོ་མོ་མི་གྲངས་བདུན་ཅུ་དོན་བརྒྱད་ཙམ་ཞུགས་ཡོད།

འགྲན་རའི་ནང་དུ་གྲྭ་བཙུན་རྣམ་པ་དང་སློམ་མ་རྣམས་ཀྱིས་ཡིག་གཟུགས་འབྲི་བཞིན་པའི་རྣམ་པ་ཟུར་ཙམ།

འགྲན་རའི་ནང་འབྲོག་པ་ཕོ་མོ་ཚོས་ཡིག་གཟུགས་འབྲི་བཞིན་པའི་རྣམ་པ།

རྫོང་ཨུད་ཐབས་ཕྱོགས་གཅིག་གྱུར་པུའུ་ཡི་དབུ་ཁྲིད་ཀྱིས་བྱ་དགའ་ཐོབ་པའི་སློབ་མ་ཚོར་བྱ་དགའ་སྤྲད་པའི་རྣམ་པ།

གོང་རིམ་དབུ་ཁྲིད་དང་བྱ་དགའ་ཐོབ་པའི་སློབ་མ།   གྲྭ་བཙུན།   འབྲོག་པ་རྣམས་དང་མཉམ་དུ་བླངས་པའི་པར།

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ། བཀྲ་ཤིས་དོན་གྲུབ།

སྒྲིག་སྦྱོར་བ།མགོན་པོ་དོན་གྲུབ།