ཡིག་གཟུགས་དུས་ཆེན་ལ་ཕུལ་བའི་བརྩམས་ཆོས་འགྲེམ་སྟོན།

འགྲེམས་སྐོར་གསུམ་པ།

      མིང་ལ་ཚེ་རིང་དངོས་གྲུབ་དང་། སྨྱུག་མིང་ཚ་རོང་ཨ་དངོས་སུ་འབོད་པ་ཁོང་ནི་ལོ་རབས་དགུ་བཅུར་བོད་ལྗོངས་གཞིས་རྩེ་གྲོང་ཁྱེར་ས་སྐྱ་རྫོང་དུ་ལྟེ་ཁྲག་འཕོས། སྤྱི་ལོ་༢༠༡༦ལོར་བོད་ལྗོངས་མི་རིགས་སློབ་གྲྭ་ཆེན་མོ་ནས་སློབ་མཐར་ཕྱིན། ཉེ་བའི་ལོ་ཤས་ནང་ལས་ཞོར་དུ་བོད་ཡིག་ཡིག་གཟུགས་ལ་དགའ་མོས་དང་དུང་ཞེན་གྱིས་སྦྱངས་པ་བྱས་ཏེ་དྲ་ལམ་ཐོག་ནས་དཔལ་ནཱ་ལནྡྲའི་ཡིག་གཟུགས་ཚོགས་པའི་ཚོགས་གཙོ་དགེ་བའི་བཤེས་གཉེན་ཆེན་མོ་ལེགས་བཤད་བཟོད་པའམ་ཁ་སྤུ་ཅན་ལགས་སོགས་དགེ་རྒན་དུ་བསྟེན་ནས་ཡིག་གཟུགས་ལ་འབད་པ་བྱེད་བཞིན་ཡོད། ད་ལྟ་ས་སྐྱ་རྫོང་རྨ་བྱ་ཤང་སྐད་གཉིས་བྱིས་གསོ་ཁང་དུ་སློབ་གསོ་སློབ་ཁྲིད་ཀྱི་བྱ་བ་སྒྲུབ་བཞིན་མཆིས།