ཡིག་གཟུགས་གླུ་དབྱངས་གངས་རིའི་ས་བོན་

གངས་རིའི་ས་བོན། （གླུ་ཚིག）

         ---བོད་ཀྱི་ཡིག་གཟུགས་ཀྱི་བརྗོད་དོན་གླུ་དབྱངས།

ཚིག གཙོས་ཤེས་རབ་རྒྱ་མཚོ། ཟམ་ཚ་ཚེརིང་དོན་གྲུབ།

དབྱངས།    གངས་ཅན་པ་སྒྲོལ་མ་སྐྱབས།

ལེན་མཁན།   གངས་ཅན་པ་སྒྲོལ་མ་སྐྱབས།

༡

སླའོ།།

འོད་ཀྱི་ཐིག་ལེ་དཀར་པོ་ལྷ་ལས་ཆད།

གསེར་གྱི་གཤོག་ཟུང་གངས་རིའི་སྙིང་པོ་ཡིན།

བྱམས་བརྩེ་ཡིག་འབྲུར་བབ་པའི་གངས་ཀྱི་ཐིགས།

གཟབ་གཤར་ན་ཆུང་ཉི་ཟླའི་བྱིན་རླབས་འཛིན།

ཐབས་མཁས་ཕྱག་རྩལ་འཁྱུག་པའི་ལང་ཚོ་ཡིས།

སྒང་བ་བོད་ལ་ཚེ་སྲོག་དཔལ་ཡོན་སྦྱིན།

ཨ་་་་

དབྱངས་གསལ་གྱི་འབྲུ།

གསེར་ནག་གི་གཟུགས།

ཁ་བའི་ལྗོངས་ལ་བཙུགས་པའི་གནམ་སྔོན་གྱི་ཀ་བ།

༢

སླའོ།།

གསེར་ཞུན་ཁུ་བ་ཉི་མའི་གྲོང་ནས་འོངས།

གསུང་རྟེན་མེ་ཏོག་འོ་མའི་རྒྱ་མཚོ་ཡིན།

མེས་པོའི་ཕྱག་རྒྱུན་ཤེས་རབ་གཟུགས་སུ་འཕྱོ།

གྲུ་བཞི་འཇོག་གི་དཀྱིལ་འཁོར་སེམས་ཀྱི་གཤིས།

བྲིས་ཆ་གསེར་ཤིང་ལོ་མའི་སྙིང་གཏམ་གྱིས།

ཕྱི་རབས་བོད་ལ་གཞིས་ཁྱིམ་དྲོན་མོ་བསྐྲུན།

ཨ་་་་

དབྱངས་གསལ་གྱི་འབྲུ།

གསེར་ནག་གི་གཟུགས།

ཕུ་ནུའི་བླ་སྲོག་ཟིན་པའི་ཡར་ཀླུང་གི་གཙང་བོ།

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ། བཀྲ་ཤིས་དོན་གྲུབ།

སྒྲིག་སྦྱོར་བ།མགོན་པོ་དོན་གྲུབ།