མཐིང་མདོག་གི་ལོ་སར་ཤིས་ཚིག

བློ་བཟང་འཇིགས་མེད་ནི་མཚོ་སྔོན་ཞིང་ཆེན་གྱི་ཡིག་མཁན་ཞིག་ཡིན་ལ།   ཁོང་གིས་ཡིག་གཟུགས་བརྩམས་ཆོས་གསར་རྩོམ་གྱི་ཁྲོད་དུ་བོད་ཀྱི་དམངས་སྲོལ་རིག་གནས་ཀྱི་ནང་དོན་དང་།   སྲོལ་རྒྱུན་ཡིག་གཟུགས་སྒྱུ་རྩལ་གྱི་ཉིང་བཅུད་ཟུང་དུ་སྦྲེལ་ཏེ།   དག་སྙོམ་མཛེས་གསུམ་གྱི་ཁྱད་ཆོས་ལྡན་པའི་སྨྱུག་རྩལ་ལ་ཤ་རུས་ཁྲག་གསུམ་གྱི་ཟུང་ཤུགས་འདུས་ཤིང་། སྨྱུག་རིས་ཀྱི་འགྱུར་ཁུགས་རེ་རེའི་ཁྲོད་ན་མི་རྣམས་ཀྱིས་འཚོ་བར་བཅངས་པའི་དགའ་ཞེན་དང་འབྱུང་འགྱུར་ལ་རེ་བའི་སྨོན་འདུན་བཅས་འདུས་ཡོད།

གཤམ་ནས་ངེད་དྲ་ལམ་པར་རིས་བརྒྱུད་དེ་ཁོང་གི་ལོ་སར་ཤིས་ཚིག་གི་སྒྱུ་རྩལ་ལ་རོལ་མྱོང་དང་། མ་འོངས་འཚོ་བའི་སྨོན་འདུན་དག་མངོན་དུ་འགྱུར་བའི་ལས་སུ་གཞོལ་བར་བྱའོ།།

ཐེངས་འདིའི་ཤིས་ཚིག་གི་རྩོམ་པ་པོ།

རྩོམ་པ་པོ་ངོ་སྤྲོད་མདོར་བསྡུས།

      རྫོང་སྔོན་བློ་བཟང་འཇིགས་མེད། སྨྱུག་མིང་ལ་གངས་རྩེ་སྨྱུག་ཏུ་འབོད། རེབ་གོང་རྩེ་ཁོག་ཏུ་སྐྱེས། 《ལང་ཚོའི་ཟུངས་ཁྲག》ཅེས་པའི་སྙན་དེབ་པར་བསྐྲུན་བྱས།སྦྲང་ཆར་དང་གངས་རྒྱན་མེ་ཏོག་སོགས་བོད་ཁུལ་གྱི་དུས་དེབ་སྟེང་སྙན་ངག་གང་མང་བཀོད། རྒྱལ་ཡོངས་སྐབས་དང་བོའི་གངས་རྒྱན་མེ་ཏོག་རྟགས་མའི་རྩོམ་རིག་བྱ་དགའ་ཐོབ།རྒྱལ་ཡོངས་དང་ཞིང་ཆེན། ཁུལ་རིམ་པའི་ཡིག་གཟུགས་བྱ་དགའ་གང་མང་ཐོབ།《མཚོ་སྔོན་ཞིང་ཆེན་སྐབས་དྲུག་པའི་ཡིག་གཟུགས་བརྩམས་ཆོས་ཕྱོགས་བསྒྲིགས།》《མཚོ་སྔོན་རེབ་གོང་།》《རེབ་གོང་སྒྱུ་རྩལ་ཞིབ་འཇུག》《གསེར་མོ་ལྗོངས།》《རོང་བོ་དགུ་ཆུ།》《ཝང་གཉིས་རྒྱལ་ཡོངས་སྐབས་བཞི་བའི་ཡིག་རིས་བྱ་དགའ་ཐོབ་པའི་བརྩམས་ཆོས་འདེམ་བསྒྲིགས།》《ཀྲུང་གོ་བོད་ཀྱི་དྲ་བ།》《ཀྲུང་གོ་བོད་ཀྱི་ཡིག་གཟུགས་དྲ་བ།》《མཚོ་སྔོན་བོད་ཡིག་གསར་འགྱུར།》《མཚོ་སྔོན་བོད་ཡིག་ཁྲིམས་སྐྱོང་ཚགས་པར།》《གངས་རྒྱན་ན་ཆུང་ཚགས་པར།》《ཁམས་པའི་ཚགས་པར།》《རྔ་བའི་གསར་འགྱུར་ཚགས་པར།》《རྨ་ལྷོ་བོད་ཡིག་ཚགས་པར།》《མཚོ་སྔོན་པོ་དྲ་བ།》《མཚོ་ལྷོའི་བོད་ཡིག་ཡིག་གཟུགས་འཕྲིན་སྟེགས།》《རྨ་ལྷོ་བརྙན་འཕྲིན་ཁང་བོད་སྐད་འཕྲིན་སྟེགས།》སོགས་ཀྱི་སྟེང་ཡིག་གཟུགས་བརྩམས་ཆོས་བདམས་བཀོད་བྱས།གཞན་ཡང་བརྩམས་ཆོས་ཁག་ཅིག་ལ་ཉར་ཚགས་འཛིན་ཡིག་ཐོབ། ད་ལྟ་མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པའི་ཚོགས་མི་དང་།མཚོ་སྔོན་ཞིང་ཆེན་སྲ་སྨྱུག་ཡིག་མཁན་མཐུན་ཚོགས་ཀྱི་ཚོགས་མི། རྨ་ལྷོ་ཁུལ་ཡིག་མཁན་མཐུན་ཚོགས་ཀྱི་ཚོགས་མི།རྫོང་རིམ་པའི་ཡིག་གཟུགས་རྒྱུན་འཛིན་པ་བཅས་ཡིན།

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ། བཀྲ་ཤིས་དོན་གྲུབ།

སྒྲིག་སྦྱོར་བ།མགོན་པོ་དོན་གྲུབ།