ཉི་མ་འོད་ཟེར།

སློབ་རའི་ཡིག་མཁན་ཆུང་ཆུང་ཉི་མ་འོད་ཟེར་གྱི་བརྩམས་ཆོས་འགྲེམ་སྟོན།

      ཉི་མ་འོད་ཟེར་ནི་༢༠༡༠ལོའི་ལུགས་རྙིང་ཟླ་༩བའི་ཚེས་༢༢ལ་ཀན་ལྷོ་བོད་རིགས་རང་སྐྱོང་ཁུལ་གཙོས་གྲོང་ཁྱེར་དུ་སྐྱེས་ཤིང་། ༢༠༡༥ལོའི་ལུགས་རྙིང་ཟླ་བ་༩བའི་ཚེས་༢༢ཏེ་ལོ་ལྔར་སོན་པ་ནས།   ཨ་མ་ལས་དབྱངས་གསལ་སོ་བཞིའི་སྦྱོར་ཀློག་དང་རང་རེའི་སྲོལ་རྒྱུན་རིག་གནས་ལ་བག་ཆགས་འཇོག་པའི་མགོ་བརྩམས།༢༠༡༦ལོའི་ལུགས་རྙིང་ཟླ་༣ཚེས་༡༣ནས་བཟུང་ད་བར་གཙོས་དགེ་བཤེས་ཤེས་རབ་རྒྱ་མཚོ་མཆོག་གིས་ཐུགས་བརྩེ་བ་ཆེན་པོས་ཁོ་ལ་དབུ་ཅན་དང་སུག་རིང་གི་འབྲི་སྟངས་རེ་རེ་བཞིན་ཁྲིད་པར་མ་ཟད།དག་ཡིག་མཁས་པ་དགའ་སྐྱེད་དང་བརྡ་སྤྲོད། དགའ་ལྡན་ལྷ་བརྒྱ་མ།ལམ་གཙོ་རྣམ་གསུམ།སྐྱེས་བུ་རྣམ་འབྱེད་གཞོན་ནུའི་མགུལ་རྒྱན་སོགས་ཀྱི་ཁྲིད་ཀྱང་ཞིབ་ཏུ་གནངས།༢༠༡༧ལོའི་སྤྱི་ཟླ་༨པའི་ཚེས་༢༨ནས་གཙོས་སློབ་ཆུང་དང་པོར་ཞུགས་ཏེ་སློབ་གྲྭ་འགྲིམ་ཞོར།ད་བར་ཨ་མའི་མཛུབ་སྟོན་འོག་སློབ་གྲྭ་ཆུང་འབྲིང་གི་བོད་ཡིག་སློབ་དེབ་ལས་ཡིག་འབྲུ་གཅིག་ཀྱང་མ་ལུས་པར་བསླབས་དང་སློབ་མུས་སུ་ཡོད། སློབ་ཆུང་ལོ་རིམ་གསུམ་པ་སྟེ། ༢༠༡༩ལོའི་ལུགས་རྙིང་ཟླ་༨པའི་ཚེས་༣ནས་བཟུང། ཀན་ལྷོ་ཁུལ་ཡིག་མཁན་མཐུན་ཚོགས་ཀྱི་ཀྲུའུ་ཞིའམ།ཀན་སུའུ་མི་རིགས་དགེ་འོས་སློབ་ཆེན་གྱི་དགེ་རྒན་ཆེན་མོ་སངས་རྒྱས་བཀྲ་ཤིས་མཆོག་གི་བཀའ་དྲིན་ལས།བོད་ཀྱི་ཡིག་གཟུགས་དབུ་ཅན་དང་སུག་རིང་། སུག་ཐུང་། འབྲུ་ཚ་རིགས་མི་འདྲ་བ་འགའ། རྒྱུག་བྲིས། འཁྱུག་བྲིས། ཚུགས་ཆུང། ལཉྫ།   ཧོར་ཡིག་སོགས་ཡིག་གཟུགས་རིགས་མི་འདྲ་བ་མང་བོ་ཞིག་གི་འབྲི་རྩལ་ཞིབ་ཏུ་བསླབས་ཅིང་། ཉེ་བའི་ལོ་འགའི་ཡིག་གཟུགས་སྒྱུ་རྩལ་བྱ་འགུལ་ཁྲོད།ཁུལ་དང་ཞིང་ཆེན་རིམ་པའི་བྱ་དགའི་མཚན་རྟགས་ཐོབ། ༢༠༢༣ལོའི་སྤྱི་ཟླ་༨པའི་ཚེས་༢༨ནས་གཙོས་སློབ་འབྲིང་གཉིས་པར་ཞུགས་ཤིང་།སློབ་ཚན་སོ་སོའི་སྦྱངས་འབྲས་དང་ལུས་རྩལ་སོགས་གང་གི་ཆ་ནས་ཀྱང་བྱ་དགའི་གཟེངས་བསྟོད་གང་མང་ཐོབ་མུས་སུ་ཡོད་ལ། ལྷག་ཏུ།ཁོའི་གཤིས་སུ་གྲུབ་པའི་གཞན་ཕན་ལྷག་བསམ་གྱི་སེམས་རྒྱུད་དང་ཡ་རབས་ཚུལ་མཐུན་གྱི་སྤྱོད་བཟང་ལ་དགེ་རྒན་དང་གཉེན་ཉེ་འབྲེལ་ཡོངས་ཀྱིས་བསྟོད་བསྔགས་གནང་བཞིན་ཡོད།

སྤྱི་ཁྱབ་ལྟ་སྐུལ་བ།རྟ་མགྲིན་མགོན་པོ།

རྩོམ་སྒྲིག་པ།དཔལ་མགོན་ཚེ་རིང་།

ཞུ་དག་པ་བཀྲ་ཤིས་དོན།

སྒྲིག་སྦྱོར་བ།མགོན་པོ་དོན་གྲུབ།