བོད་ལྗོངས་འབྲི་རུ་རྫོང་ནས་ཡིག་གཟུགས་ཀྱི་བྱེད་སྒོ་འདི་འདྲ་སྤེལ་འདུག

    ཟླ༦ཚེས་༢༡ཉིནབོད་རང་སྐྱོང་ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་གཞི་རིམ་དུ་ཡིག་གཟུགས་སྒྱུ་རྩལ་སྤེལ་རེས་བྱེད་སྒོ་བོད་ལྗོངས་ནག་ཆུ་གྲོང་ཁྱེར་འབྲི་རུ་རྫོང་རིག་པའི་རལ་གྲིའི་དཔེ་ཁང་ནས་སྤེལ།

    ཐེངས་འདིའི་མཛད་སྒོར་ཀྲུང་གོའི་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི་དང་། བོད་ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཀྲུའུ་ཞི་གཞོན་པ་དང་དྲུང་སྤྱི་ཆེན་མོ་ཀྲང་ཁྲུང་།   ཀྲུང་གོའི་ཡིག་གཟུགས་མཁས་པའི་མཐུན་ཚོགས་ཀྱི་ལས་འཛིན་དང་བོད་ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཀྲུའུ་ཞི་གཞོན་པ་དང་དྲུང་སྤྱི་ཆེ་མོ་གཞོན་པ་རྒན་རྒྱལ་མཚན། ཀྲུང་གོའི་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི་དང་བོད་ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ལས་འཛིན་པ་ཚེ་བརྟན་འཇིགས་མེད། འབྲི་རུ་རྫོང་སློབ་ཆུང་དང་པོའི་ཧྲུའུ་ཅི་བཀྲ་ཤིས་དོན་འགྲུབ།   བོད་ལྗོངས་ཡིག་གཟུགས་མཁན་པའི་མཐུན་ཚོགས་ཀྱི་ཚོགས་མི་གཅུང་བསླབ་གསུམ་བཅས་བྱེད་སྒོར་ཞུགས།

    ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་མཁས་དབང་རྣམས་ཀྱིས་དཀའ་ཚིགས་དང་ངལ་དུབ་ལ་མ་འཛེམ་པར་མང་ཚོགས་མི་རེ་ངོ་རེའི་འདོད་དོན་ཞིབ་ཚགས་ཀྱིས་སྒྲུབ་ནས་མཐར་དྲན་རྟེན་མཉམ་པར་སྐྱོང་།

    མཐར་ནག་ཤོད་འབྲི་རུའི་སློབ་མ་དང་ཁྱིམ་བདག་རྣམས་ཀྱིས་ལྗོངས་ཡིག་གཟུགས་མཁས་པའི་མཐུན་ཚོགས་འབྲི་རུར་ཕེབས་ཐུབ་པར་དགའ་བ་ཆེན་པོས་བསུ་མ་བྱས་ཤིང་བཀའ་དྲིན་བཏང་རག་གི་ཆེད་དུ་མི་རེ་ངོ་རེས་ཡིག་གཟུགས་ཀྱིས་མཆོད་པ་ཕུལ་བ། ཡིག་གཟུགས་མཉམ་ཞིབ་དང་། ཡུལ་དངོས་འབྲི་སྦྱོང་། བྲིས་རྩལ་གཏམ་གླེང་དང་སློབ་སྟོན་སོགས་ནང་དོན་མང་ལ་རྣམ་པ་གསར་བའི་བྱེད་སྒོས་ས་གནས་ཀྱི་རིག་གནས་འཚོ་བ་ཇེ་ལེགས་སུ་བཏང་།

སྤྱི་ཁྱབ་ལྟ་སྐུལ་བ། རྟ་མགྲིན་མགོན་པོ།

གསར་འགོད་པ། རིག་པའི་རལ་གྲི།

སྒྲིག་བཟོ། རྩོམ་སྒྲིག་པ། དཔལ་མགོན་ཚེ་རིང་།