ལུང་སྔོན་དགོན་ཆོས་རིག་མཐོ་རིམ་སློབ་གླིང་གི་ཡིག་གཟུགས་འགྲན་བསྡུར།

         ལུང་སྔོན་དགོན་ཆོས་རིག་མཐོ་རིམ་སློབ་གླིང་གི་གངས་རྒྱན་གསེར་སྨྱུག་རྟགས་མའི་ཡིག་གཟུགས་འགྲན་བསྡུར་ཆེན་མོ་དང་ཡིག་གཟུགས་འགྲེམ་སྟོན།   ཆོས་རིག་མཐོ་རིམ་སློབ་གླིང་དང་། གངས་ལྗོངས་གནའ་དེང་ཤེས་རིག་སློབ་གླིང་། བཙུན་གྲྭ་མདོ་སྨད་ཚེ་རིང་ལྗོངས། སྔགས་གྲྭ་བདུད་འདུལ་གླིང་། འཇམ་དཔལ་དགའ་ཚལ་གླིང་རྣམས་ཀྱི་གྲྭ་བཙུན་སྔགས་གསུམ་སོགས་མཉམ་བཞུགས་ཀྱིས་མཛད་སྒོ་སྤེལ་བ་དང་། བོད་ཀྱི་ཡིག་གཟུགས་ཆེད་མཁས་པ་རྒན་སེང་གེ་དར་རྒྱས། གངས་ལྗོངས་གནའ་དེང་ཤེས་རིག་སློབ་གླིང་གི་སློབ་གཙོ་མཁན་ཆོས་ལུ། ཆོས་རིག་མཐོ་རིམ་སློབ་གླིང་གི་སློབ་སྟོན་ཁང་སོགས་ཀྱིས་ཡུལ་ངོས་ནས་འགྲན་ཞུགས་བརྩམས་ཆོས་བདུན་ཅུ་ལྷག་ལ་དྲང་མོ་དྲང་བཞག་གིས་དཔྱད་འདེམས་བྱས་མཐར་དགེ་སློབ་བཅུ་ཕྲག་ལྷག་ལ་གངས་རྒྱན་གསེར་སྨྱུག་རྟགས་བྱ་དགའ་ཐོབ།

    ཚོགས་ཐོག་ཏུ་དུས་གསུམ་རྒྱལ་བའི་འདྲེན་པ་ཆེན་པོ་མཆོག་སྤྲུལ་ཧཱུྃ་ཀར་རྡོ་རྗེ་མཆོག་དབུ་བཞུགས་མཛད་ཅིང་སློབ་བུ་ཚོའི་སྣ་མང་རིག་གནས་ལ་སྦྱང་བརྩོན་བྱས་པའི་གྲུབ་འབྲས་ལ་བསྟོད་བསྔགས། མུ་མཐུད་དུ་ཧུར་བརྩོན་དང་ཡར་རྒྱས་དགོས་ཚུལ་སྐོར་ནས་གསུངས་བཤད་གལ་ཆེན་གནང་།   དེ་དང་དུས་མཚུངས་སུ་ལུང་སྔོན་དགོན་པའི་ཡིག་གཟུགས་འགྲེམ་སྟོན་མཛད་སྒོ་སྤེལ་ཞིང་ལུང་སྔོན་དགོན་པའི་ཡིག་གཟུགས་འགྲེམ་སྟོན་མཛད་སྒོ་ནི་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་དང་བསྟུན་ནས་ཕྱི་ལོ༢༠༡༨ལོར་དབུ་བཙུགས་ཤིང་དེ་ནས་བཟུང་སྡེར་ནང་ས་བྲིས། ཁྱུང་བྲིས། འབྲུ་མ། ལཉྫ། སུག་རིང་། ཨ་ལགས་ཚེ་ཏན་ཞབས་དྲུང་གི་ཕྱག་རྒྱུན། ཝརྟུ། སྨོན་ལམ་བྲིས་རྒྱུན་སོགས་བྲིས་རྒྱུན་མི་འདྲ་བ་བཅུ་ལྷག་ཙམ་རང་སློབ་གླིང་གི་དགེ་སློབ་རྣམས་ཀྱིས་ཡིག་གཟུགས་ཀྱི་བརྩམས་ཆོས་ཀྱི་མཆོད་པ་ཞིག་གི་ཚུལ་ལོ་རེ་བཞིན་རྒྱུན་འཁྱོངས་སུ་སྤེལ་བཞིན་ཡོད་པར་མ་ཟད།   ལོ་ལྟར་གྲ་སྒྲིག་ཚགས་སུ་ཚུད་པ་བྱས་ཏེ་ཡིག་གཟུགས་དུས་ཆེན་ལ་རོལ་བཞིན་ཡོད་དོ།།

ཨང་དང་པོ་ཐོབ་པའི་བརྩམས་ཆོས།

ཨང་དང་པོ་ཐོབ་མཁན་བསྟན་སྐྱོང་།

ཨང་གཉིས་པ་ཐོབ་པའི་བརྩམས་ཆོས།

ཨང་གཉིས་པ་ཐོབ་མཁན་ཚུལ་ཁྲིམས་སྒྲོལ་མ།

ཨང་གཉིས་པ་ཐོབ་མཁན་བསྟན་འཛིན་རྡོ་རྗེ།

ཨང་གསུམ་པ་ཐོབ་པའི་བརྩམས་ཆོས།

ཨང་གསུམ་པ་ཐོབ་མཁན་གཡུ་སྒྲོན།

ཨང་གསུམ་པ་ཐོབ་མཁན་རིག་འཛིན་རྡོ་རྗེ།

ཨང་གསུམ་པ་ཐོབ་མཁན་ཚེ་འབྲུག

ཕུལ་བྱུང་ཐོབ་པའི་བརྩམས་ཆོས།

ཕུལ་བྱུང་ཐོབ་མཁན་ངག་དབང་བཀྲ་ཤིས།

ཕུལ་བྱུང་ཐོབ་མཁན་པདྨ་་ལུང་རྟོགས།

ཕུལ་བྱུང་དབང་ལྡན།

ཕུལ་བྱུང་བདེ་ཆེན་རྡོ་རྗེ།

ཕུལ་བྱུང་ཐོབ་མཁན་དོན་གྲུབ་བཀྲ་ཤིས།

གསར་འགོད་པ། མཁར་མདུད་གྲོལ།

ཞུ་དག་པ།རྟ་མགྲིན་མགོན་པོ།

སྒྲིག་སྦྱོར་བ། དཔལ་མགོན་ཚེ་རིང་།