“ཐོན་མིའི་ཡིག་རྒྱུན་”རྒྱལ་ཡོངས་བོད་ཀྱི་ཡིག་གཟུགས་འགྲན་བསྡུར་སྐབས་གསུམ་པའི་བྱ་དགའ་བྱིན་པའི་མཛད་སྒོ་དང་ཡིག་གཟུགས་འགྲེམ་སྟོན་ཀན་སུའུ་ཀླུ་ཆུ་ནས་སྤེལ།

          ཟླ་༧པའི་ཚེས་༢༤ཉིན།   ཀླུ་ཆུ་རྫོང་གིས་ཀན་ལྷོ་བོད་རིགས་རང་སྐྱོང་ཁུལ་བཙུགས་ནས་ལོ་འཁོར་༧༠ལོན་པར་རྟེན་འབྲེལ་ཞུ་བའི་མུ་འབྲེལ་བྱ་འགུལ་སྟེ་“ཐོན་མིའི་ཡིག་རྒྱུན་”རྒྱལ་ཡོངས་བོད་ཀྱི་ཡིག་གཟུགས་འགྲན་བསྡུར་སྐབས་གསུམ་པའི་བྱ་དགའ་སྟེར་བའི་མཛད་སྒོ་དང་ཡིག་གཟུགས་བརྩམས་ཆོས་འགྲེམ་སྟོན་ཀན་སུའུ་ཞིང་ཆེན་ཀན་ལྷོ་ཁུལ་ཀླུ་ཆུ་རྫོང་ཤ་བཙོས་ཐང་རིག་གནས་ཡུལ་སྐོར་ཐོན་ལས་གླིང་ནས་གཟབ་རྒྱས་ངང་སྤེལ།

       ཐེངས་འདིའི་ཡིག་གཟུགས་འགྲན་བསྡུར་གྱིས་ཏང་གི་ཚོགས་ཆེན་ཉི་ཤུ་བའི་དགོངས་དོན་གཙོར་འཛིན་བྱས་ནས་གཙོ་འཛིན་ཞི་ཅིན་ཕིང་གིས་རིག་གནས་ཀྱི་ཡིད་ཆེས་དང་རིག་གནས་ཀྱི་གདེང་ཚོད་མཐོ་རུ་གཏོང་དགོས་ཞེས་པའི་གསུངས་བཤད་གལ་ཆེན་དང་།   ཀྲུང་ཧྭ་མི་རིགས་ཐུན་མོང་གཞི་གཅིག་གི་ལྟ་བ་བརྟན་པོར་འཛུགས་པ།   ཀྲུང་ཧྭའི་ཕུལ་བྱུང་རིག་གནས་རྒྱུན་འཛིན་དར་སྤེལ་གཏོང་བ་སོགས་ཀྱི་འཛུབ་སྟོན་གྱི་བསམ་བློ་ལག་ལེན་མཐར་ཕྱིན་ནས་བོད་མདོ་དབུས་ཁམས་གསུམ་གྱི་བྲིས་པ་དང་།   ཁོ་ཚོས་ཕུལ་བའི་ཡིག་གཟུགས་སྣ་ཚོགས་ཀྱི་ཁུལ་སྟོན་ལ་བཀྲ་ཤིས་རྟེན་འབྲེལ་ཞུས་ཞིང་།   ཡིག་གཟུགས་སྣ་བརྒྱའི་སྒྱུ་རྩལ་གྱི་མཆོད་བསྟོད་ལ་རྟེན་ནས་ཀན་ལྷོ་ཁུལ་གྱི་ལོ་ངོ་བདུན་བཅུའི་འཕོ་འགྱུར་ལ་བསྔགས་བརྗོད་བྱས་ཡོད།

རྫོང་ཨུའི་ཧྲུའུ་ཅི་བཀྲ་ཤིས་ཚེ་རིང་གིས་ཐོན་ལས་ཁུལ་སྒོ་ཕྱེ་བ་ཁྱབ་བསྒྲགས་བྱས།

        ཉིན་འདིའི་མཛད་སྒོ་ལ་རྫོང་ཨུའི་ཧྲུའུ་ཅི་བཀྲ་ཤིས་ཚེ་རིང་དང་། རྫོང་ཨུའུ་ཧྲུའུ་ཅི་གཞོན་པའམ་རྫོང་དཔོན་ཝུའུ་ཡུས། རྫོང་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཁུའུ་ཞོ་ཧོང་།   རྫོང་སྲིད་གྲོས་ཀྱི་ཀྲུའུ་ཞི་དཔང་བན་མིན་སོགས་སྡེ་ཁག་ཆེ་བཞིའི་འགོ་ཁྲིད་རྣམ་པ་མཛད་སྒོར་ཞུགས།

རྫོང་ཨུའུ་ཧྲུའུ་ཅི་གཞོན་པའམ་རྫོང་དཔོན་ཝུའུ་ཡུས་ཀྱིས་མཛད་སྒོར་མགོ་འཛིན་མཛད།

          འབྲེལ་ཡོད་འགན་འཛིན་པས་ངོ་སྤྲོད་བྱས་པ་ལྟར་ན།   ཐེངས་འདིའི་ཡིག་གཟུགས་འགྲེམས་སྟོན་ནི།   ཀླུ་ཆུ་རྫོང་ཨུ་དང་རྫོང་སྲིད་གཞུང་གིས་གཙོ་སྒྲུབ་དང་།   ཀྲུང་གོའི་བོད་ཀྱི་ཡིག་གཟུགས་དྲ་བ། ཀླུ་ཆུ་རྫོང་རྒྱང་སྒྲོག་བརྙན་འཕྲིན་དང་ཡུལ་སྐོར་ཅུས།   རྫོང་རིག་གནས་ཁང་།   ཀླུ་ཆུ་རྫོང་མཛེས་རྩལ་དང་ཡིག་མཁན་མཐུན་ཚོགས་སོགས་ཀྱིས་འགན་སྒྲུབ་མཛད་པའི་སྐབས་གསུམ་པའི་ཐོན་མིའི་ཡིག་རྒྱུན་རྒྱལ་ཡོངས་བོད་ཀྱི་ཡིག་གཟུགས་འགྲན་སྡུར་ཆེན་མོའི་ཕུལ་བྱུང་བརྩམས་ཆོས་ཡིན་ལ།   ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རིག་པའི་གཞུང་ལུགས་དང་།   མི་རིགས་མཐུན་སྒྲིལ།   ཀན་ལྷོ་བོད་རིགས་རང་སྐྱོང་ཁུལ་བཙུགས་ནས་ལོ་འཁོར་༧༠ལོན་པའི་རྟེན་འབྲེལ་ཞུ་བའི་ཤིས་ཚིག་སྣ་ཚོགས།   སྔོན་བྱུང་མཁས་བའི་ལེགས་བཤད་དང་བསླབ་བྱ།   མི་རིགས་མཐུན་སྒྲིལ་དང་། ཏང་གི་སློབ་གསོའི་བྱེད་ཕྱོགས། རྒྱལ་གཅེས་ཆོས་གཅེས།   ཁོར་ཡུག་སྲུང་སྐྱོབ།   མི་རིགས་འཆམ་མཐུན་སོགས་བརྗོད་གཞིར་བཟུང་བའི་ཕུལ་བྱུང་བརྩམས་ཆོས་བརྒྱ་ལྷག་དངོས་སུ་འགྲེམས་སྟོན་བྱས་ཡོད།   

རྫོང་ཨུའི་རྒྱུན་ཨུའམ་རྫོང་ཨུའི་དྲིལ་སྒྲོག་པུའུ་ཡི་པུའུ་ཀྲང་ལི་ཡཱེན་ཧོང་གིས་ཡིག་གཟུགས་དང་པར་རིས་འགྲེམས་སྟོན་གནས་ཚུལ་ངོ་སྤྲོད་བྱས།

               རྒྱུས་ལོན་བྱུང་བ་ལྟར་ན།   ཡིག་གཟུགས་འགྲན་བསྡུར་ལ་རྒྱལ་ཡོངས་ས་ཕྱོགས་སོ་སོ་ནས་ཐོན་པའི་ཡིག་གཟུགས་པ་༢༨༩ཡི་བརྩམས་ཆོས་སྣ་ཚོགས་རིགས་༣༦༤ལྷག་འབྱོར་བ་དང་། དེ་དག་ལ་ཐོག་མཐའ་བར་གསུམ་གྱི་དཔྱད་འདེམ་ཐེངས་གསུམ་བྱས་ནས་ཨང་དང་པོ་ཐོབ་མཁན་གྱི་ཡིག་གཟུགས་བརྩམས་ཆོས་༡་དང་། ཨང་གཉིས་པ་ཐོབ་མཁན་གྱི་ཡིག་གཟུགས་བརྩམས་ཆོས་༢། ཨང་གསུམ་པ་ཐོབ་མཁན་གྱི་ཡིག་གཟུགས་བརྩམས་ཆོས་༣། ཕུལ་བྱུང་ཐོབ་མཁན་གྱི་ཡིག་གཟུགས་བརྩམས་ཆོས་༣༠། འགྲེམ་སྟོན་ལ་ཚུད་པའི་བརྩམས་ཆོས་༡༤༦བཅས་གདམ་ཐོན་བྱུང་ཞིང་ཡུལ་དངོས་ནས་བརྩམས་ཆོས་༩༠ལྷག་དང་། ཀྲུང་གོ་བོད་ཀྱི་ཡིག་གཟུགས་དྲ་ལམ་ནས་བརྩམས་ཆོས་༡༡༠ལྷག་འགྲེམ་སྟོན་བྱས།

རྫོང་དཔོན་གཞོན་པ་གཉན་ཕྲུག་གིས་ཐོན་ལས་ཁུལ་བཞེངས་བསྐྲུན་གནས་ཚུལ་ངོ་སྤྲོད་བྱས།

ཀླུ་ཆུ་རྫོང་གི་ཀྲུང་ཧྭ་མི་རིགས་ཐུན་མོང་གཞི་གཅིག་གི་ལྟ་བ་བརྟན་པོར་འཛུགས་པའི་བརྗོད་དོན་སློབ་གསོའི་ལག་ལེན་ཁང་ལ་གཟིགས་ཞིབ་གནང་བཞིན་པ།

ཀླུ་ཆུ་རྫོང་གི་ཀྲུང་ཧྭ་མི་རིགས་ཐུན་མོང་གཞི་གཅིག་གི་ལྟ་བ་བརྟན་པོར་འཛུགས་པའི་བརྗོད་དོན་སློབ་གསོའི་ལག་ལེན་ཁང་ལ་གཟིགས་ཞིབ་གནང་བཞིན་པ།

བྱ་དགའ་ཐོབ་པའི་ཡིག་གཟུགས་སྒྱུ་རྩལ་གྱི་བརྩམས་ཆོས་མདུན་དུ་པར་བླངས་ནས་དྲན་རྟེན་འཇོག་བཞིན་པ།

    ཡིག་གཟུགས་བརྩམས་ཆོས་འགྲེམ་སྟོན་ཡུལ་དངོས་སུ་བརྩམས་ཆོས་ངོ་སྤྲོད་ལ་ཉན་བཞིན་པའི་ཏང་སྲིད་འགོ་ཁྲིད་དང་སྐུ་མགྲོན།

བྱ་དགའི་དཔང་ཡིག

ཐེངས་འདིའི་བྱེད་སྒོའི་བརྗོད་དོན་བརྩམས་ཆོས།

བྱ་དགའ་ཐོབ་པའི་བརྩམས་ཆོས།

ཐེངས་འདི་འགྲེམ་ཚུད་བརྩམས་ཆོས་ཁག་ཅིག

ཕུལ་བྱུང་བྱ་དགའི་དཔེ་མཚོན།

གདན་ཞུའི་བརྩམས་ཆོས་ཀྱི་དཔེ་མཚོན།

སྤྱི་ཁྱབ་ལྟ་སྐུལ་བ། རྟ་མགྲིན་མགོན་པོ།

གསར་འགོད་པ་མགོན་པོ་དོན་གྲུབ།

སྒྲིག་སྦྱོར་བཀྲ་ཤིས་དང་མགོན་པོ་དོན་གྲུབ།