2023ལོའི་མཐར་ཕྱིན་སློབ་མའི་བོད་ཡིག་ཡིག་གཟུགས་བརྩམས་ཆོས་ཀྱི་འགྲེམ་སྟོན་བྱེད་སྒོ་སྤེལ།

      ཟླ5བའི་ཚེས20ཉིན་གྱི་སྔ་དྲོར། ཀན་སུའུ་མི་རིགས་དགེ་འོས་སློབ་གླིང་གི་བོད་ཡིག་ཡིག་གཟུགས་མཐུན་ཚོགས་ཀྱིས་གཙོ་སྒྲུབ་བྱས་པའི2023ལོའི་མཐར་ཕྱིན་སློབ་མའི་བོད་ཡིག་ཡིག་གཟུགས་བརྩམས་ཆོས་ཀྱི་འགྲེམ་སྟོན་བྱེད་སྒོ་ཀན་སུའུ་མི་རིགས་དགེ་འོས་སློབ་གླིང་གི་མཛེས་རྩལ་ཐོག་ཁང་དུ་སྤེལ།

     ཀན་སུའུ་མི་རིགས་དགེ་འོས་སློབ་གླིང་གི་དགེ་སློབ་དང་ཀན་ལྷོ་བོད་རིགས་རང་སྐྱོང་ཁུལ་བོད་ཀྱི་ཡིག་གཟུགས་མཐུན་ཚོགས་ཀྱི་ཚོགས་མི་དང་། བསང་ཆུ་རྫོང་དང་རྨ་ཆུ་རྫོང་། ཅོ་ནེ་རྫོང་། ཐེ་བོ་རྫོང་བཅས་ཀྱི་ཡིག་གཟུགས་མཐུན་ཚོགས་ཀྱི་ཀྲུའུ་ཞི་དང་ཀྲུའུ་ཞི་གཞོན་པ་བཅས་བྱེད་སྒོར་ཞུགས།

     འགྲེམ་སྟོན་དུ་དབུ་ཅན་ལ་སྨོན་ལམ་ཕྱག་རྒྱུན་དང་ཨ་ལགས་ཚེ་ཏན་ཞབས་དྲུང་གི་ཕྱག་རྒྱུན། སྙེ་བྲིས།   ཡིག་མཁན་བརྒྱད་ཀྱི་ཕྱག་རྒྱུན། དབུ་མེད་ལ་སྨོན་ལམ་ཕྱག་རྒྱུན་ལས་སུག་རིང་། སུག་ཐུང་། ཚུགས་ཆུང་། འབྲུ་ཚ། འཁྱུག་བྲིས། རྒྱུགས་བྲིས། ཧོར་ཡིག འབྲུ་ཚ་ཞབས་རིང་། ཨ་ཁུ་དཀོན་མཆོག་རྒྱ་མཚོའི་ཕྱག་རྒྱུན་དེ་སུག་རིང་། འབྲུ་ཚ། ཚུགས་བྲིས།   ཨ་ལགས་ཚེ་ཏན་ཞབས་དྲུང་གི་ཕྱག་རྒྱུན་དེ་གཟབ་བྲིས། སུག་རིང་། འབྲུ་ཚ།   ས་སྐྱའི་ལྡན་ཡིག   ལཉྫ་དང་ཝརྟུ་སོགས་ཡོད་ལ། བསྡོམས་པས་བརྩམས་ཆོས87ཡོད།

2023ལོའི་མཐར་ཕྱིན་སློབ་མའི་བོད་ཡིག་ཡིག་གཟུགས་བརྩམས་ཆོས་ཀྱི་འགྲེམ་སྟོན་བྱེད་མཁན་གྱི་སློབ་གྲོགས་དག་ནི།

↑ རྣམ་རྒྱལ་ཚེ་རིང་། ཕ་ཡུལ་བསང་ཆུ་རྫོང་འབོར་རའི་ལྷ་བབས་ཐང་གྲོང་སྡེ།   བོད་སྐད་ཡིག་སྡེ་ཁག

↑ བཀྲ་ཤིས་དོན་གྲུབ། ཕ་ཡུལ་ཀླུ་ཆུ་རྫོང་སྟག་ཚང་ལྷ་མོ། བོད་སྐད་ཡིག་སྡེ་ཁག

↑ བན་དེ་བཀྲ་ཤིས། ཕ་ཡུལ་བསང་ཆུ་རྫོང་འབོ་ར་གྲོང་རྡལ།   བོད་ཡིག་སྐད་ཡིག་སྡེ་ཁག་གི་གློག་བརྙན་འཕྲིན་ཟློས་གར་རྩོམ་རིག་འཛིན་གྲྭ།

↑ བཀྲ་ཤིས་དར་རྒྱས།   ཕ་ཡུལ་ཀླུ་ཆུའི་ལྷ་མོ། བོད་སྐད་ཡིག་སྡེ་ཁག   

↑ ཚེ་འབྱོར།   ཕ་ཡུལ་བོད་ལྗོངས་ནག་ཆུ་འབྲི་རུ། དངོས་ལུགས་སྡེ་ཁག

   ↑ ཐོགས་མེད་སྤྱན་སྔ། ཕ་ཡུལ།   བོད་ལྗོངས་ནག་ཆུ་དཔལ་མགོན་རྫོང་།   བོད་སྐད་ཡིག་སྡེ་ཁག

↑ བཀྲ་ཤིས་རབ་བརྟན། རྨ་ཆུའི་སྨད་མ།   བོད་སྐད་ཡིག་སྡེ་ཁག   

（གསར་འགོད་པ། བྲག་དཀར་ཚེ་རིང་། བཀྲ་ཤིས་གཡང་མཚོ། ）

ཡོང་ཁུངས། ཀན་ལྷོའི་གསར་འགྱུར།

རྩོམ་སྒྲིག་འགན་ཁུར་བ།    གཅོད་པ་སྐྱབས།   

རྩོམ་ཞུས་པ།     དཔལ་མོ།     

རྩོམ་སྒྲིག་པ།   བཀྲ་ཤིས་གཡང་མཚོ།