ཕུན་ཚོགས་ནོར་བུ།

       ༄༅།། ཡིག་མཁན་ཆུང་ཆུང་༼ཕུན་ཚོགས་ནོར་བུ་ ༽ནི་ཕ་དཀོན་མཆོག་ཆོས་འཕེལ་དང་མ་ཚེ་རིང་ནོར་འཛོམས་གཉིས་ཀྱི་བུར༢༠༡༡ལོའི་ཟླ་བ་༦པའི་ཚེས་༨ཉིན་བོད་ལྗོངས་ནག་ཆུ་གྲོང་ཁྱེར་འབྲི་རུ་རྫོང་ཚྭ་ཆུ་ཡུལ་ཤོག་དཀོན་གནའ་གྲོང་ཚོ་ཞེས་པའི་ས་མ་འབྲོག་གི་ཁྱིམ་ཚང་དཀྱུས་མ་ཞིག་ཏུ་ཚེ་སྲོག་གི་མྱུ་གུ་ཐོག་མ་འབུས།    ཕ་མ་གཉིས་ཀྱི་བཀའ་དྲིན་དང་ཏང་གི་ཡང་དག་སྲིད་ཇུས་བཟང་པོའི་འོག་ཏུ་༢༠༡༧ལོར་འབྲི་རུ་རྫོང་བུ་བཅོལ་ཁང་གཉིས་པ་རུ་སློབ་གསོ་ཐོག་མ་མྱོང་བའི་བསྐལ་བ་རག     དེ་རྗེས་ལོ་ན་བདུན་ལ་བསླེབས་སྐབས་༢༠༡༨ལོར་འབྲི་རུ་རྫོང་སློབ་ཆུང་དང་པོར་ཕྱིན་པ་དང་བསྟུན་ནས་བོད་ཀྱི་ཡིག་གཟུགས་མཁས་ཅན་རྒན་བསླབ་གསུམ་ལགས་ཀྱི་བྱམས་བརྩེའི་ལྷག་བསམ་འོག་ཏུ་བོད་ཡིག་ཡིག་གཟུགས་སྦྱོང་བའི་མགོར་བརྩམས།   དེ་བཞིན་དགུན་གསེང་དང་དབྱར་གསེང་སྐབས་སུ་འབྲི་རུའི་ཡིག་གཟུགས་མཁས་ཅན་ཕྱགསུམ་ཆོས་དགའི་འགྲམ་ནས་སྦྱངས་པ་ཆེན་པོ་བྱས།    དེ་བཞིན་རང་ཉིད་ཀྱི་འབད་འབུངས་དང་དགེ་རྒན་དག་གི་མཛུབ་སྟོན་འོག་ཏུ་བོད་ཡིག་ཡིག་གཟུགས་ཚུགས་རིང་ལ་སྦྱངས་པ་བྱས།   ༢༠༡༩ལོར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་༧༠འཁོར་བ་དང་རྒྱལ་སྟོན་དུས་ཆེན་བསུ་བ་ཞུ་ཆེད་སློབ་མའི་ཡིག་གཟུགས་འགྲན་བསྡུར་ཁྲོད་བྱ་དགའ་ཨང་དང་པོ་ཐོབ། ན་ཆུང་བྱིས་པའི་སོར་རྩལ་འགྲན་སྡུར་ཆེན་མོའི་ཁྲོད་དུ་ཨང་ལྔ་པ་ཐོབ།   ༢༠༢༠ལོར་འབྲི་རུ་རྫོང་སློབ་གསོ་ལུས་རྩལ་ཅུས་ཀྱི་སྤེལ་བའི་ཏང་སྲིད་ཁྲི་གདུགས་ཉི་མའི་འོད་སྣང་གིས། རི་གྲོང་སློབ་གསོའི་སྐལ་བཟང་མེ་ཏོག་་ཞེས་ཞེསཔའི་བོད་ཀྱི་ཡིག་གཟུགས་འགྲན་བསྡུར་ཁྲོད་བྱ་དགའ་ཨང་དང་པོ་ཐོབ།   ༢༠༢༡ལོར་འབྲི་རུ་རྫོང་སློབ་ཆུང་དང་པོའི་དུས་དེབ་ལྗང་མྱུག་འདོན་ཐེངས་བཞི་པའི་ནང་དུ་ཡིག་གཟུགས་ཀྱི་མཚན་སྙན་ལག་འཁྱེན་ཐོབ། ༢༠༡༩ལོར་དཀོར་གནའ་གྲོང་གི་གྲོང་གསབ་སྦྱོང་ཡིག་གཟུགས་འགྲན་བསྡུར་ཁྲོད་བྱ་དགའ་ཨང་དང་པོ་ཐོབ།   ༢༠༢༡ལོར་ལོར་འབྲི་རུ་རྫོང་སློབ་ཆུང་དང་པོས་སྤེལ་བའི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་བརྒྱ་འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་བདུན་བཅུ་འཁོར་བར་རྟེན་འབྲེལ་ཞུ་ཆེད་དགེ་སློབ་ཡོངས་ཀྱི་ཡིག་གཟུགས་འགྲན་བསྡུར་ཁྲོད་བྱ་དགའ་ཨང་དང་པོ་ཐོབ།     སྐབས་བཅུ་བཞི་པའི་སུམ་པ་ནགས་ཤོད་རིག་གནས་ཡུལ་སྐོར་སྒྱུ་རྩལ་དུས་ཆེན་དང་དབྱར་རྩྭ་དགུན་འབུའི་ཚོང་འདུས་ཀྱི་སྐབས་སུ་དགེ་རྒན་གཅུང་བསླབ་གསུམ་དང་ལྷན་དུ་བོད་ཡིག་ཡིག་གཟུགས་འགྲེམ་སྟོན་བྱས་པ་དང་དེ་བཞིན་ཡུལ་དངོས་ལ་ཡིག་གཟུགས་བྲིས་ནས་གཟིགས་མོ་བས་དགའ་བསུ་གྲངས་མེད་ཐོབ་ཡོད།

        ད་ལྟ་སྔར་བཞིན་འབྲི་རུ་རྫོང་སློབ་ཆུང་དང་པོའི་ལོ་རིམ་ལྔ་པའི་འཛིན་གྲྭ་གཉིས་པར་སློབ་སྦྱོང་དང་བོད་ཡིག་ཡིག་གཟུགས་ལ་སྦྱངས་བརྩོན་བྱེད་དང་བྱེད་མུས་ཡིན་ནོ།