འདན་ཚ་འཇམ་དབྱངས་ཆོས་དར།     སྤྱི་ལོ་༡༩༨༠ལོའི་ཟླ་༡༡པའི་ཚེས་༣༠ཉིན་ཁམས་ལྡན་མའམ་འདན་ཁོག་ཏུ་སྐྱེས།     ༢༠༠༡ལོ་ནས་བཟུང་སྔ་རྗེས་སུ་སི་ཁྲོན་ཞིང་ཆེན་བོད་ཡིག་སློབ་གྲྭ་དང་བོད་ལྗོངས་སློབ་གྲྭ་ཆེན་མོ་ལྷོ་ནུབ་མི་རིགས་སློབ་གྲྭ་ཆེན་མོ་སོགས་སུ་སློབ་གཉེར་བྱས།    ༢༠༡༠ལོའི་ཟླ་༩པར་ཆབ་མདོ་གྲོང་ཁྱེར་སྐབས་དང་པོའི་དགེ་རྒན་གྱི་གཞི་རྩའི་ནུས་རྩལ་གྱི་ཡི་གཟུགས་འགྲན་བསྡུར་ཁྲོད་༼ འཁྱུག་ཡིག ༽ཨང་དང་པོའི་བྱ་དགའ་ཐོབ།        ༢༠༡༨ལོའི་ཟླ་༥པར་ཆབ་མདོ་གྲོང་ཁྱེར་མཐོ་རིམ་སློབ་འབྲིང་གཉིས་པའི་དགེ་སློབ་ཡོངས་ཀྱི་ཡིག་གཟུགས་འགྲན་བསྡུར་ཁྲོད་༼ འཁྱུག་ཡིག ༽ཨང་དང་པོ་དང་༼ འབྲུ་ཚ ༽ཨང་གཉིས་པ་༼ དབུ་ཅན ༽ཨང་གཉིས་པ་༼ སྣ་ཚོགས ༽ཨང་དང་པོ་བཅས་ཀྱི་བྱ་དགའ་ཐོབ།       ༢༠༡༨ལོའི་ཟླ་༡༢པར་གྲོང་ཁྱེར་ཡོངས་ཀྱི་དགེ་སློབ་བོད་རྒྱ་ཡིག་གཟུགས་འགྲན་ཆེན་ཁྲོད་༼ འདྲེན་འཁྱུག ༽ཨང་དང་པོ་དང་༼ ཚུགས་རིང ༽ཕུལ་བྱུང་གི་བྱ་དགའ་ཐོབ།       ༢༠༡༨ལོའི་ཟླ་༡༢པར་དེང་རབས་སྒྱུ་རྩལ་འགྲན་བསྡུར་ཆེ་མོའི་དྲ་བས་གཙོ་གཉེར་བྱས་པའི་རྒྱལ་ཡོངས་ཀྱི་ཡིག་རིས་འགྲན་བསྡུར་སྐབས་དགུ་པར་བྱ་དགའ་རིམ་པ་གཉིས་པར་བདམས།       ༢༠༡༩ལོའི་ཟླ་༤པར་དུས་ཐེངས་ལྔ་པའི་ལྗོངས་ཡོངས་ཀྱི་སློབ་གྲྭ་འབྲིང་ཆུང་གི་ཡིག་གཟུགས་དགེ་རྒན་གསོ་སྦྱོང་འཛིན་གྲྭའི་ཕུལ་བྱུང་གི་སློབ་མའི་མཚན་སྙན་ཐོབ་པ་དང་།           ༢༠༡༩ལོའི་ཟླ་༦པར་ཆབ་མདོ་གྲོང་ཁྱེར་ཀྲུང་གོ་གསར་པ་དབུ་བརྙེས་ནས་ལོ་༧༠འཁོར་བའི་རྟེན་འབྲེལ་མཛད་སྒོའི་ཡིག་གཟུགས་འགྲན་བསྡུར་ཁྲོད་༼སྡེར་ནང་ས་བྲིས༽ཨང་གཉིས་པའི་བྱ་དགའ་ཐོབ།

       སྔ་རྗེས་སུ་ཆབ་མདོ་གྲོང་ཁྱེར་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི་དང་བོད་རང་སྐྱོང་ལྗོངས་ཡིག་གཟུགས་མཁས་པའི་མཐུན་ཚོགས་ཀྱི་ཚོགས་མི།      ༼ ཞང་བོད་ཡིག་གཟུགས་ཚོགས་པའི་ ༽ཚོགས་མི།   ༼ མཚོ་ལྷོའི་ཡིག་གཟུགས་ཚོགས་པའི་ ༽ཚོགས་མི།   ༼ དཔལ་ནཱ་ལེནྡྲའི་ཡིག་གཟུགས་ཚོགས་པའི་ ༽ཚོགས་མི།      ༼ ཡིག་གཟུགས་མེ་ལོང་ཚོགས་པའི་ ༽ཚོགས་མི།        ཆབ་མདོ་གྲོང་ཁྱེར་མཐོ་རིམ་སློབ་འབྲིང་གཉིས་པའི་༼ བོད་ཤར་ཡིག་གཟུགས་གླིང་གི་ ༽ཚོགས་གཙོ་རུ་འདེམས་ཐོན་བྱུང་།   ད་ལྟ་བོད་ལྗོངས་ཆབ་མདོ་གྲོང་ཁྱེར་མཐོ་རིམ་སློབ་འབྲིང་གཉིས་པའི་སློབ་གཙོ་གཞོན་པའི་འགན་ཁུར་བཞིན་ཡོད།

འགྲེམ་སྟོན་ཁང་གི་བརྩམས་ཆོས་བརྗེས་ན་འདི་མནོན།